നമ്മെ വിട്ട് സൂര്യനും അകലുന്നുണ്ടോ?

 

ഭൂമി സൂര്യനെ പരിക്രമണം ചെയ്യുന്നത് വൃത്താകൃതിയിലല്ല, മറിച്ച് ദീർഘ വൃത്താകൃതിയിലാണ് എന്ന് നമുക്കറിയാം. ഇതനുസരിച്ച് ഭൂമി സൂര്യനോട് അടുക്കുകയും അകലുകയും ചെയ്യുമെന്നും നൂറ്റാണ്ടുകൾ മുൻപേ നമുക്കറിയാം.

എന്നാൽ, ഭൂമിയും സൂര്യനും തമ്മിലുള്ള 𝐀𝐯𝐞𝐫𝐚𝐠𝐞 𝐝𝐢𝐬𝐭𝐚𝐧𝐜𝐞 ആണ് വർദ്ധിക്കുന്നതെങ്കിലോ! ഇവിടെ ഉദ്ദേശിക്കുന്നതും ഈ അകൽച്ച തന്നെയാണ്.

സൂര്യൻ ഓരോ വർഷവും ഭൂമിയിൽ നിന്ന് 𝟔 സെൻ്റീമീറ്റർ (𝟐.𝟑𝟔 ഇഞ്ച്) അകലുന്നുണ്ട്!

➤𝟔 𝐜𝐦/𝐲𝐞𝐚𝐫 എന്ന ഈ അകൽച്ച, മനുഷ്യന് ഭാവിയിലെങ്കിലും പ്രശ്നമുണ്ടാക്കുമോ?

ഇല്ല! കാരണം പറയാം...

➤അകലുന്നതിൻ്റെ കാരണമെന്തായിരിക്കും?

സൂര്യനിൽ അനുനിമിഷം നടക്കുന്ന, 𝐍𝐮𝐜𝐥𝐞𝐚𝐫 𝐟𝐮𝐬𝐢𝐨𝐧 എന്ന പ്രക്രിയയും, 𝐒𝐨𝐥𝐚𝐫 𝐰𝐢𝐧𝐝 എന്ന പ്രതിഭാസം മൂലവും കാലക്രമേണ അതിൻ്റെ പിണ്ഡം നഷ്ടപ്പെടുന്നുണ്ട്. കാരണം സൂര്യൻ്റെ പിണ്ഡം അഥവാ 𝐌𝐚𝐬𝐬 തന്നെയാണ് പ്രകാശമായും, സൗരക്കാറ്റായുമൊക്കെ ഗ്രഹങ്ങളിലേക്കും മറ്റും എത്തുന്നത്. 𝐌𝐚𝐬𝐬 കുറയുന്നതിൻ്റെ അനന്തരഫലമാണ് ഈ അകൽച്ചക്ക് കാരണം.

➤എന്തുകൊണ്ടാണ് ഭാവിയിൽപ്പോലും മനുഷ്യന് പ്രശ്നമുണ്ടാകാൻ സാധ്യതയില്ലാത്തത്?

ഭൂമി - സൂര്യൻ ഇവയ്ക്കിടയിലുള്ള 𝐀𝐯𝐞𝐫𝐚𝐠𝐞 𝐝𝐢𝐬𝐭𝐚𝐧𝐜𝐞 ഏകദേശം 𝟏𝟒.𝟗𝟔 കോടി കിലോമീറ്ററാണ്. ഓരോ വർഷവും 𝟔 𝐜𝐦 എന്ന മാറ്റം വളരെ കുറവാണ്.

പതിറ്റാണ്ടുകൾ പരിഗണിച്ചാൽപ്പോലും ഭൂമിയുടെ ഭ്രമണപഥത്തിലോ കാലാവസ്ഥയിലോ അളക്കാവുന്ന ഒരു സ്വാധീനം പോലും ഉണ്ടാക്കാൻ പോകുന്നില്ല.

ഒരു മാറ്റം ശ്രദ്ധേയമാകാൻ കോടിക്കണക്കിന് വർഷങ്ങളെങ്കിലും എടുക്കും. അതിനും വളരെ മുൻപേ ഭൂമി വാസയോഗ്യം അല്ലാതാകുന്നതിനാണ് സാധ്യത കൂടുതൽ!

അതുവരെ, ഭൂമിയുടെ ഭ്രമണപഥം സ്ഥിരതയുള്ളതാണ് എന്ന് പറയാം. സൂര്യൻ്റെ അകലത്തിലെ ചെറിയ മാറ്റങ്ങളൊന്നും 𝐆𝐫𝐚𝐯𝐢𝐭𝐚𝐭𝐢𝐨𝐧𝐚𝐥 𝐟𝐨𝐫𝐜𝐞-നെയോ 𝐄𝐚𝐫𝐭𝐡'𝐬 𝐜𝐥𝐢𝐦𝐚𝐭𝐞-നെയോ ഒന്നും കാര്യമായി ബാധിക്കില്ല.

ഇതുപോലുള്ള 𝐂𝐞𝐥𝐞𝐬𝐭𝐢𝐚𝐥 𝐞𝐯𝐞𝐧𝐭𝐬 നടക്കുന്നത് ദശലക്ഷക്കണക്കിനോ, കോടികണക്കിനോ വർഷങ്ങളെടുത്താണ് സംഭവിക്കുന്നത് എന്നുള്ളതുകൊണ്ടും നമ്മുടെയൊക്കെ ആയുസ്സ് അതിനെ അപേക്ഷിച്ച് തുച്ഛമാണ് എന്നുള്ളതുകൊണ്ടും പേടിക്കേണ്ട കാര്യമില്ല.