എന്തുകൊണ്ടാണ് ബഹിരാകാശ വാഹനങ്ങൾ കിഴക്കോട്ട് വിക്ഷേപിക്കുന്നത്

 

ഇത് ഏതെങ്കിലും വാസ്തു "ശാസ്ത്രജ്ഞർ " പറഞ്ഞിട്ട് ദോഷങ്ങൾ ഉണ്ടാകാതിരിക്കാൻ ചെയ്യുന്നതല്ല.

ബഹിരാകാശ യാത്ര കൂടുതൽ കാര്യക്ഷമമാക്കുന്നതിന് ഭൂമിയുടെ ഭ്രമണം പ്രയോജനപ്പെടുത്തുന്നതിനു വേണ്ടിയാണിത് !

ഇത് എങ്ങനെ പ്രവർത്തിക്കുന്നു എന്ന് നോക്കാം... ഭ്രമണപഥത്തിൽ തുടരാൻ, ഒരു ബഹിരാകാശ പേടകം 17,500 mph (28,200 kph) വേഗതയിൽ സഞ്ചരിക്കേണ്ടതുണ്ട്. പേടകത്തിന്  ഭൂമിയെ ചുറ്റി ഭ്രമണപഥത്തിൽ തന്നെ തുടരാൻ ഈ വേഗത അനിവാര്യമാണ്.

എന്നാൽ ഭൂമി നമ്മെയും കൊണ്ട് ഏകദേശം 1,000 mph (1,600 kph) വേഗതയിൽ കറങ്ങുന്നു.  കിഴക്കോട്ട് ഒരു ബഹിരാകാശ പേടകം വിക്ഷേപിക്കുമ്പോൾ, ഈ ഭ്രമണ വേഗതയിൽ നിന്ന് റോക്കറ്റിന് ഒരു "ബൂസ്റ്റ്" ലഭിക്കുന്നു.  ശക്തമായ കാറ്റിൻ്റെ ദിശയിൽ ഒരു ഓട്ടമത്സരം ആരംഭിക്കുന്നത് പോലെയാണ് ഇത്!

റോക്കറ്റ് പടിഞ്ഞാറോട്ട് വിക്ഷേപിക്കുകയാണെങ്കിൽ, ഈ ഭ്രമണ വേഗതയെ മറികടക്കുകയും ഭ്രമണപഥത്തിലെത്തുന്നതിന് ആവശ്യമായ 17,500 mph എന്ന വേഗതയിൽ എത്തുകയും വേണം. അത് ഭ്രമണപഥത്തിലെത്തുന്നതിന് കൂടുതൽ ബുദ്ധിമുട്ടുണ്ടാക്കുകയും കൂടുതൽ ഇന്ധനം ചിലവാകുകയും ചെയ്യും . 

ഈ കിഴക്കോട്ടുള്ള വിക്ഷേപണത്തിന് ഒരേയൊരു അപവാദം polar orbit ആണ്. ( ഭൂമിയുടെ സ്ഥിരമായ നിരീക്ഷണത്തിന് വേണ്ടി വിക്ഷേപിക്കുന്ന satellite കൾ) ഇതിൽ റോക്കറ്റ് വടക്കോട്ടോ തെക്കോട്ടോ ആണ് വിക്ഷേപിക്കുന്നത്.

“𝐃𝐨𝐠-𝐛𝐨𝐧𝐞” 𝐀𝐬𝐭𝐞𝐫𝐨𝐢𝐝-ൻ്റെ വലിപ്പം

 

ചൊവ്വയ്ക്കും വ്യാഴത്തിനും ഇടയിലുള്ള 𝑨𝒔𝒕𝒆𝒓𝒐𝒊𝒅 𝑩𝒆𝒍𝒕-ലൂടെ സൂര്യനെ പരിക്രമണം ചെയ്യുന്ന വ്യത്യസ്തമായ ആകൃതിയിലുള്ള ഒരു ഛിന്നഗ്രഹമാണ് ഈജിപ്ഷ്യൻ രാജ്ഞി ക്ലിയോപാട്ര 𝑽𝑰𝑰-ൻ്റെ പേരിൽ അറിയപ്പെടുന്ന 216- K𝒍𝒆𝒐𝒑𝒂𝒕𝒓𝒂 എന്ന 𝑨𝒔𝒕𝒆𝒓𝒐𝒊𝒅.

നായയുടെ അസ്ഥിയോട് സാമ്യമുള്ളതിനാൽ “𝑫𝒐𝒈-𝒃𝒐𝒏𝒆” 𝑨𝒔𝒕𝒆𝒓𝒐𝒊𝒅 എന്നും വിളിക്കുന്നുണ്ട്. അല്ലെങ്കിൽ 𝑫𝒖𝒎𝒃𝒃𝒆𝒍𝒍-ൻ്റെ ആകൃതിയാണ് എന്നും പറയാം.

ചിത്രങ്ങളിൽ കാണുമ്പോൾ ഈ പാറക്കഷണത്തിൻ്റെ വലിപ്പത്തേക്കുറിച്ച് ധാരണയുണ്ടാകില്ല. എന്നാൽ, വലിപ്പം ചിത്രത്തിൽ വ്യക്തമാകുമെന്ന് പ്രതീക്ഷിക്കുന്നു. 276 𝒌𝒎 നീളമാണ് ഇതിനുള്ളത്, എന്നുവെച്ചാൽ തൃശൂർ മുതൽ തിരുവനന്തപുരം വരെയുള്ള ദൂരം എത്രയാണോ അത്രയും വലിപ്പമുണ്ട് ഈ പാറക്കഷണത്തിന്.

𝗗𝘆𝘀𝘁𝗼𝗽𝗶𝗮𝗻 𝗮𝗽𝗮𝗿𝘁𝗺𝗲𝗻𝘁 𝗯𝗹𝗼𝗰𝗸

 

                    

𝐃𝐲𝐬𝐭𝐨𝐩𝐢𝐚𝐧 എന്ന വാക്കിനർത്ഥം എല്ലാം പൂർണ്ണം എന്ന് കരുതി ഒരു കൊച്ചു ലോകത്ത് ജീവിക്കുന്ന ഒരു ജനത ആണ്. വെളിയിൽ നിന്നും നോക്കുന്ന ഒരാൾക്ക്‌ അങ്ങനെ അല്ല താനും.അവർ എന്തിനോ അടിമകൾ ആണ്. എതിർ പദം :𝐔𝐭𝐨𝐩𝐢𝐚𝐧 ഉദാ :ബൈബിളിലെ ഏദൻ തോട്ടം. അത് ഏറ്റവും സമ്പൂർണ്ണമായ ലോകമാണെന്ന് വിശ്വാസികൾ കരുതുന്നു.

     ജനസംഖ്യ കുതിച്ചു പായുമ്പോൾ പല 𝐃𝐲𝐬𝐭𝐨𝐩𝐢𝐚𝐧 ജനതയും സൃഷ്ടിക്കപ്പെടും.ചൈനയിലെ 𝐐𝐢𝐚𝐧𝐣𝐢𝐚𝐧𝐠 𝐜𝐞𝐧𝐭𝐮𝐫𝐲 𝐜𝐢𝐭𝐲 യിലെ regent international പാർപ്പിട സമുച്ചയം അത്തരത്തിൽ ഒന്നാണ്. ഇവിടെയുള്ള 20,000 ആൾക്കാർ മിക്കവാറും പുറം ലോകത്തേക്ക് പോകന്നത് അപൂർവം ആണ്.ഹോട്ടൽ, സൂപ്പർമാർക്കറ്റ്, സ്വിമ്മിംഗ് പൂൾ, ബാർബർ ഷോപ്പ്, ഇന്റർനെറ്റ്‌, എന്ന് വേണ്ട ഒരു ആവറേജ് ടൗണിൽ ഉള്ള എന്തും ഇവിടെ ഉണ്ട്. കുറച്ചു ശുദ്ധവായു ശ്വസിക്കാൻ ആരെങ്കിലും ഒന്ന് ബാൽക്കണിയിൽ    പോയാൽ ആയി.

നഗരവൽക്കരണത്തിന്റെയും ജനസംഖ്യാപെരുപ്പത്തിന്റെയും മറ്റൊരു വശമാണ് ഈ

𝐃𝐲𝐬𝐭𝐨𝐩𝐢𝐚𝐧 𝐚𝐩𝐚𝐫𝐭𝐦𝐞𝐧𝐭 𝐛𝐥𝐨𝐜𝐤 𝐰𝐢𝐭𝐡 𝐢𝐭𝐬 𝐝𝐲𝐬𝐭𝐨𝐩𝐢𝐚𝐧 𝐬𝐨𝐜𝐢𝐞𝐭𝐲

ബുധസംതരണം / 𝑻𝒓𝒂𝒏𝒔𝒊𝒕 𝒐𝒇 𝑴𝒆𝒓𝒄𝒖𝒓𝒚

 

ഭൂമിക്കും സൂര്യനുമിടയിലൂടെ ബുധൻ കടന്നുപോകുന്ന പ്രതിഭാസത്തെയാണ് ബുധസംതരണം എന്ന് നാം വിശേഷിപ്പിക്കാറുള്ളത്. ഭൂമിയിൽ നിന്ന് നോക്കുമ്പോൾ സൂര്യോപരിതലത്തിൽ ഒരു ചെറിയ കറുത്ത ബിന്ദുവായി ബുധഗ്രഹത്തെ ദൃശ്യമാകുന്ന ഈ പ്രതിഭാസം, ഓരോ നൂറ്റാണ്ടിലും ഏകദേശം 13 അല്ലെങ്കിൽ 14 തവണ വരെ സംഭവിക്കും. ഇങ്ങനെ സൂര്യനെ മറികടക്കുന്നതിന് ബുധൻ ഏകദേശം ആറു മണിക്കൂർ സമയമെടുക്കും.

ഒരു ഗ്രഹണം എന്ന് പറയണമെങ്കിൽ, പൂർണ്ണമായോ ഭാഗികമായോ മറയ്ക്കപ്പെടണം. എന്നാൽ സംതരണമെന്നത് ഇത് രണ്ടുമല്ല. സൂര്യപ്രകാശത്തിൽ നേരിയ അളവിലുള്ള വ്യതിയാനം ഉണ്ടാക്കാനേ സംതരണത്തിന് കഴിയൂ.

ഭൂമിയിൽ നിന്ന് ബുധ,ശുക്ര സംതരണങ്ങൾ മാത്രമേ കാണാൻ കഴിയൂ. കാരണം മറ്റ് ഗ്രഹങ്ങൾ, സൂര്യന് പിന്നിലൂടെ സഞ്ചരിക്കുന്നതായിരിക്കും കാണാനാവുക. 𝑨𝒔𝒕𝒓𝒐𝒏𝒐𝒎𝒚-യിൽ ഇതിനെ 𝑶𝒄𝒄𝒖𝒍𝒕𝒂𝒕𝒊𝒐𝒏 എന്ന് പറയാം.

പണ്ട്, ഭൂമിയിൽ നിന്ന് സൂര്യനിലേക്കുള്ള ദൂരം കണക്കാക്കാൻ, 𝑻𝒓𝒂𝒏𝒔𝒊𝒕-കളെ നിരീക്ഷിക്കുന്നതിലൂടെ സാധിക്കുമെന്ന് അന്നത്തെ ജ്യോതിശാസ്ത്രജ്ഞർക്ക് വ്യക്തമായ ധാരണയുണ്ടായിരുന്നു. പിന്നീട് ബുധനേക്കാൾ ശുക്രൻ കൂടുതൽ അനുയോജ്യമെന്ന് മനസ്സിലാക്കുകയും വളരെ അപൂർവ്വമായ ഏതാനും 𝑻𝒓𝒂𝒏𝒔𝒊𝒕𝒔 𝒐𝒇 𝑽𝒆𝒏𝒖𝒔 നിരീക്ഷിച്ചത് മൂലമാണ് നാം സൂര്യനിലേക്കുള്ള ദൂരം അളന്നതും, അതുവഴി സൗരയൂഥത്തിൻ്റെ വലിപ്പം മനസ്സിലാക്കിയതും. ഇതിനെക്കുറിച്ച് വിശദമായി പിന്നീട് എഴുതുന്നുണ്ട്.

എങ്കിലും താരതമ്യേന അത്ര അപൂർവ്വമല്ലാത്ത 𝑻𝒓𝒂𝒏𝒔𝒊𝒕 𝒐𝒇 𝑴𝒆𝒓𝒄𝒖𝒓𝒚-യുടെ നിരീക്ഷണങ്ങൾ, 𝑺𝒐𝒍𝒂𝒓 𝒔𝒚𝒔𝒕𝒆𝒎-ൻ്റെ മാതൃകകൾ 𝑹𝒆𝒇𝒊𝒏𝒆 ചെയ്യുന്നതിന് ജ്യോതിശാസ്ത്രജ്ഞർക്ക് ഉപകരിച്ചിട്ടുണ്ട്. കഴിഞ്ഞ 𝑻𝒓𝒂𝒏𝒔𝒊𝒕 𝒐𝒇 𝑴𝒆𝒓𝒄𝒖𝒓𝒚 2019-ലായിരുന്നു. നടക്കാനിരിക്കുന്നത് 2032-ലുമായിരിക്കും. അതുപോലെ കഴിഞ്ഞ 𝑻𝒓𝒂𝒏𝒔𝒊𝒕𝒔 𝒐𝒇 𝑽𝒆𝒏𝒖𝒔 2012-ലും അടുത്തത് 2117-ലുമാണ് സംഭവിക്കുക.

മസ്തിഷ്കത്തിലെ ആശയവിനിമയം // 𝐂𝐨𝐧𝐧𝐞𝐜𝐭𝐢𝐨𝐧 𝐛𝐞𝐭𝐰𝐞𝐞𝐧 𝐍𝐞𝐮𝐫𝐨𝐧 𝐚𝐧𝐝 𝐍𝐞𝐫𝐯𝐞 𝐟𝐢𝐛𝐞𝐫𝐬

 

തലച്ചോറിലെ ഒരൊറ്റ ന്യൂറോണും നാഡി നാരുകളും (𝐍𝐞𝐫𝐯𝐞 𝐟𝐢𝐛𝐞𝐫𝐬) തമ്മിലുള്ള ബന്ധമാണ് ചിത്രത്തിൽ കാണുന്നത്.

അതിസങ്കീർണമായാണ് ന്യൂറോണുകൾ തമ്മിൽ ബന്ധപ്പെട്ടിരിക്കുന്നത്. ഈ ഒരൊറ്റ ന്യൂറോണിലേക്ക് (ചിത്രത്തിൽ വെള്ള നിറത്തിലുള്ളത്) മറ്റ് ന്യൂറോണുകളിൽ നിന്ന് സിഗ്നലുകൾ കൊണ്ടുവരാൻ മാത്രം 𝟓,𝟔𝟎𝟎 ആക്സോണുകൾ (നീല) കൂടാതെ, ആക്സോണിലെ (𝐀𝐱𝐨𝐧𝐬) സിഗ്നലുകൾ സ്വീകരിക്കുന്ന ന്യൂറോണിലേക്ക് കടക്കുന്ന നിരവധി സിനാപ്സുകളുമുണ്ട് (𝐒𝐲𝐧𝐚𝐩𝐬𝐞𝐬 പച്ച നിറത്തിൽ കാണാം).

𝐒𝐢𝐠𝐧𝐚𝐥 𝐭𝐫𝐚𝐧𝐬𝐦𝐢𝐬𝐬𝐢𝐨𝐧 സാധ്യമാക്കുന്നതാണ് 𝐀𝐱𝐨𝐧𝐬, 𝐍𝐞𝐫𝐯𝐞 𝐟𝐢𝐛𝐞𝐫𝐬 എന്നത് മറ്റുപലതും ഉൾകൊള്ളിക്കുന്ന പൊതുവായ പേരാണ്.

𝐒𝐲𝐧𝐚𝐩𝐬𝐞𝐬-ൻ്റെ പ്രധാന ജോലിയെന്തെന്നാൽ, 𝐍𝐞𝐮𝐫𝐨𝐭𝐫𝐚𝐧𝐬𝐦𝐢𝐬𝐬𝐢𝐨𝐧-ഉം 𝐈𝐧𝐟𝐨𝐫𝐦𝐚𝐭𝐢𝐨𝐧 𝐏𝐫𝐨𝐜𝐞𝐬𝐬𝐢𝐧𝐠 മാണ് എന്ന് പറയാം. അതായത്, 𝐍𝐞𝐮𝐫𝐨𝐧-കൾക്കിടയിൽ 𝐬𝐢𝐠𝐧𝐚𝐥𝐬 കൈമാറുകയും, കൂടാതെ, ഒന്നിലധികം 𝐒𝐨𝐮𝐫𝐜𝐞-കളിൽ നിന്നുള്ള 𝐈𝐧𝐟𝐨𝐫𝐦𝐚𝐭𝐢𝐨𝐧𝐬 സംയോജിപ്പിച്ച് 𝐏𝐫𝐨𝐜𝐞𝐬𝐬 ചെയ്യുകയുമാണ്.

𝐆𝐨𝐨𝐠𝐥𝐞-ഉം 𝐇𝐚𝐫𝐯𝐚𝐫𝐝-ഉം ചേർന്ന് നടത്തിയ മനുഷ്യ മസ്തിഷ്കത്തിൻ്റെ ഒരു പഠനത്തിൽനിന്നാണിത്. ഒരു 𝐂𝐮𝐛𝐢𝐜 𝐦𝐢𝐥𝐥𝐢𝐦𝐞𝐭𝐞𝐫-ൽ നടത്തിയ പഠനം!

ഒരു ന്യൂറോണിൻ്റെ വിശേഷമിതാണെങ്കിൽ, നമ്മുടെ തലച്ചോറിൽ ഇത്തരത്തിലുള്ള ന്യൂറോണുകൾ ഏകദേശം 𝟏𝟎,𝟎𝟎𝟎 കോടിയോളമുണ്ട്! അപ്പോഴോ!?

ഇത് ഭംഗിയോ ഭയാനകതയോ // 𝑪𝒂𝒑𝒕𝒖𝒓𝒆𝒅 𝒃𝒚 𝑱𝒖𝒑𝒊𝒕𝒆𝒓 𝑵𝒆𝒂𝒓-𝑷𝒐𝒍𝒂𝒓 𝑶𝒓𝒃𝒊𝒕𝒆𝒓.

 

വ്യാഴത്തെ ഇതുവരെ പകർത്തിയതിൽ ഏറ്റവും 𝑫𝒆𝒕𝒂𝒊𝒍𝒆𝒅 𝒄𝒍𝒐𝒔𝒆-𝒖𝒑 𝒊𝒎𝒂𝒈𝒆-കളിൽ ഒന്നാണിത്.

'𝑱𝒆𝒕 𝑵6' എന്ന് വിളിപ്പേരുള്ള വ്യാഴത്തിൻ്റെ 𝑱𝒆𝒕 𝒔𝒕𝒓𝒆𝒂𝒎 മേഖലയിലെ ചുഴലി മേഘങ്ങളാണ് ആ കാണുന്നത്.

സൗരയൂഥത്തിലെ തന്നെ ഏറ്റവും വലിയ ഗ്രഹത്തിൽ നിന്ന്, ഏകദേശം 13,000 𝒌𝒎 അകലെ നിന്നാണ് 𝑱𝒖𝒏𝒐 എന്ന 𝑺𝒑𝒂𝒄𝒆 𝒑𝒓𝒐𝒃𝒆 ഈ ചിത്രം പകർത്തിയത്.

2011-ലാണ് 𝑵𝒂𝒔𝒂 𝑱𝒖𝒏𝒐-യെ വിക്ഷേപിക്കുന്നത്. നീണ്ട 8 വർഷത്തിന് ശേഷം, 2019-ൽ പകർത്തിയ 𝑰𝒎𝒂𝒈𝒆 ആണിത്. പ്രതീക്ഷിച്ച ആയുസ്സ് പിന്നിട്ടെങ്കിലും, ദീർഘായുസ്സുള്ള 𝑱𝒖𝒏𝒐 ഇന്നും അവിടെത്തന്നെയാണ് തുടരുന്നത്.

➠വ്യാഴത്തിൻ്റെ ഉപരിതലത്തിൽ വ്യത്യസ്ത നിറങ്ങളിലുള്ള 𝑷𝒂𝒕𝒕𝒆𝒓𝒏𝒔 (𝑩𝒂𝒏𝒅𝒆𝒅 𝒑𝒂𝒕𝒕𝒆𝒓𝒏) ശരിക്കുമെന്താണ്?

വ്യാഴത്തിൻ്റെ തീർത്തും വ്യത്യസ്തമായ അന്തരീക്ഷമാണ് ഇതിനു കാരണമെന്ന് ഒറ്റവാക്കിൽ പറയാം.

നമുക്കറിയാം, വ്യാഴമൊരു വാതകഭീമനാണ്. വ്യത്യസ്ത വാതകങ്ങളാലും എയറോസോളുകളാലുമുള്ള (𝑨𝒆𝒓𝒐𝒔𝒐𝒍𝒔) ശക്തമായ കൊടുങ്കാറ്റുകളുടെ സിസ്റ്റമാണ് ഈ 𝑩𝒂𝒏𝒅𝒔 രൂപപ്പെടുത്തുന്നത്.

അന്തരീക്ഷത്തിൽ, 𝑨𝒎𝒎𝒐𝒏𝒊𝒂, 𝒘𝒂𝒕𝒆𝒓, 𝒂𝒏𝒅 𝒔𝒖𝒍𝒇𝒖𝒓 എന്നിവയുടെയൊക്കെ പ്രത്യേകം മേഘപാളികളുണ്ട്. ഈ 𝑴𝒖𝒍𝒕𝒊𝒑𝒍𝒆 𝒄𝒍𝒐𝒖𝒅 𝒍𝒂𝒚𝒆𝒓𝒔, സൂര്യപ്രകാശത്തെ പ്രതിഫലിപ്പിക്കുമ്പോഴാണ്, 𝑶𝒓𝒂𝒏𝒈𝒆, 𝒀𝒆𝒍𝒍𝒐𝒘, 𝑩𝒓𝒐𝒘𝒏, 𝒂𝒏𝒅 𝑾𝒉𝒊𝒕𝒆 തുടങ്ങിയ നിറങ്ങളിൽ വരയുള്ള പാറ്റേണുകൾ നമുക്ക് കാണാനാവുന്നത്.

ചിത്രത്തിൽ ചുഴിപോലെ കാണുന്നത്, 𝑨𝒎𝒎𝒐𝒏𝒊𝒂, 𝒘𝒂𝒕𝒆𝒓, 𝒂𝒏𝒅 𝒎𝒆𝒕𝒉𝒂𝒏𝒆-𝒊𝒄𝒆𝒔 എന്നിവയടങ്ങിയ അതിവേഗത്തിൽ കറങ്ങുന്ന, ചൂടുപിടിച്ച മേഘങ്ങളാണ്.

അതുപോലെ, ഭൂമിയെക്കാൾ വലിപ്പമുള്ള ഒരു 𝑨𝒏𝒕𝒊𝒄𝒚𝒄𝒍𝒐𝒏𝒊𝒄 കൊടുങ്കാറ്റും ഇവിടെയുണ്ട്! സ്ഥിരമായി നിലനിൽക്കുന്ന, ചുവപ്പും ഓറഞ്ചും കലർന്ന നിറത്തിലുള്ള ഈ കൊടുങ്കാറ്റാണ് '𝑮𝒓𝒆𝒂𝒕 𝑹𝒆𝒅 𝑺𝒑𝒐𝒕' എന്ന പേരിൽ അറിയപ്പെടുന്നത്.

പരിണമിക്കുന്ന മനുഷ്യർ

 

തെക്ക് കിഴക്ക് ഏഷ്യയിലെ തീരപ്രദേശങ്ങൾ ചേർന്ന് വസിക്കുന്ന ബജാവു എന്ന ജനവിഭാഗം മത്സ്യബന്ധനത്തിനായി ദിവസേന 6 മണിക്കൂറിലധികം വെള്ളത്തിനടിയിൽ ചെലവഴിക്കാറുണ്ട്, അവർ ഡൈവിംഗ് ഉപകരണങ്ങൾ ഇല്ലാതെ 200 അടി (60 മീറ്റർ)ക്ക് മുകളിൽ ആഴത്തിൽ മുങ്ങാൻ കഴിവുള്ളവരാണ്.

ജലത്തിനടിയിൽ കൂടുതൽ സമയം തുടരാനുള്ള കഴിവ് നൽകുന്ന അപൂർവമായ ഒരു ജനിതക സഭിശേഷത അവരുടെ ശരീരം വികസിപ്പിച്ചെടുത്തിട്ടുണ്ട്. 

ജലത്തിനടിയിൽ അധിക സമയം മുങ്ങിക്കിടക്കാൻ പര്യാപ്തമായ രീതിയിൽ അവരുടെ ശരീരത്തിലെ സ്പ്ലീൻ എന്ന അവയവം വികസിച്ചിട്ടുണ്ട്. ഇത് ഒരു പ്രത്യേക ജീനിൻ്റെ വകഭേദവുമായി ബന്ധപ്പെട്ടിരിക്കുന്നു. ഇതിലൂടെ അവർക്ക് ആവശ്യമുള്ളപ്പോൾ കൂടുതൽ ഓക്സിജൻ അടങ്ങിയ ചുവന്ന രക്തകോശങ്ങൾ ലഭ്യമാകുന്നു. ഇതിലൂടെ ഒരു തവണ ശ്വാസമെടുത്താൽ 5 മിനിറ്റ് വരെ അനായാസം വെള്ളത്തിനടിയിൽ ചെലവഴിക്കാൻ ഇവർക്ക് കഴിയുന്നു.

മലേഷ്യ, ഫിലിപ്പൈൻസ്, ഇന്തോനേഷ്യ എന്നിവിടങ്ങളിലെ വെള്ളത്തിൽ 1,000 വർഷത്തിലധികമായി ബജാവു ജന വിഭാഗം ജീവിച്ചുവരുന്നു. ബജാവു വിഭാഗക്കാർ ദിവസേന 6 മുതൽ 8 മണിക്കൂർ വരെ മത്സ്യങ്ങളും മറ്റ് സമുദ്രഭക്ഷ്യങ്ങളും തേടി വെള്ളത്തിനടിയിൽ ചെലവഴിക്കുന്നു.

ശാസ്ത്രജ്ഞർ ബജാവു ജനങ്ങളുടെയും സമീപമുള്ള ഒരു സമൂഹത്തിലെ ജനങ്ങളുടെയും അവയവങ്ങളുടെ അളവുകൾ പരിശോധിച്ചു. ബജാവു ജനങ്ങളുടെ സ്പ്ലീൻ അവരുടെ അയൽക്കാരുടെ സ്പ്ലീനിനേക്കാൾ 50% വലുതായിരുന്നു. കൂടാതെ ബജാവു ജനങ്ങൾക്ക് അവരുടെ അയൽക്കാരിൽ നിന്ന് വ്യത്യസ്തമായ 25  ജീനുകൾ ഉണ്ടായിരുന്നു.

PDE10A എന്നൊരു ജീൻ ബജാവു ജന വിഭാഗത്തിൽപ്പെട്ടവരുടെ  സ്പ്ലീൻ വലുപ്പം നിയന്ത്രിക്കുന്നതായി കണ്ടെത്തി.  ഓക്സിജൻ ആവശ്യമായ സമയത്ത് ആയത് ലഭ്യമാക്കുന്നതിന് ഇവരുടെ സ്പീൻ പ്രധാനപ്പെട്ട ഒരു പങ്ക് വഹിക്കുന്നു. 

നാം ഒരു ദൈർഘ്യമേറിയ സമയം ശ്വാസം പിടിക്കുമ്പോൾ, നമ്മുടെ ശരീരത്തിൽ ചില ശാരീരിക മാറ്റങ്ങൾ സംഭവിക്കുന്നു. ഹൃദയമിടിപ്പ് മന്ദഗതിയിലാകുന്നു, കൈകാലുകളുടെ രക്തനാളികൾ ചുരുങ്ങുന്നു. തൽഫലമായി സ്പ്ലീൻ ചുരുങ്ങി ഓക്സിജൻ അടങ്ങിയ ചുവന്ന രക്തകോശങ്ങളെ സ്വതന്ത്രമാക്കുന്നു. ഇത് രക്തത്തിൽ അധിക ഓക്സിജൻ ലഭ്യമാകുന്നതിന് സഹായകരമാകുന്നു.

സ്പ്ലീനിൻ്റെ വലിപ്പം വർദ്ധിക്കുന്നതിന് ആനുപാതികമായി  ഓക്സിജൻ അടങ്ങിയ കൂടുതൽ രക്ത കോശങ്ങൾ ശരീരത്തിൻ്റെ രക്തപര്യയന വ്യവസ്ഥയിൽ ലഭ്യമാകുന്നു. ഇതാണ് ബജാവു ജനങ്ങൾക്ക് വെള്ളത്തിനടിയിൽ കൂടുതൽ സമയം തുടരാൻ കഴിയുന്നതിന്റെ കാരണം. ബജാവു ജനങ്ങൾക്ക് വായുവില്ലാത്ത സാഹചര്യത്തെ ഒരു പരിധി വരെ അതിജീവിക്കാൻ ഇതിലൂടെ സാധിക്കുന്നു.

സമാനതകളില്ലാത്ത സ്റ്റാർഷിപ്പ് / 𝐏𝐢𝐨𝐧𝐞𝐞𝐫𝐢𝐧𝐠 𝐭𝐡𝐞 𝐅𝐮𝐭𝐮𝐫𝐞 𝐨𝐟 𝐒𝐩𝐚𝐜𝐞 𝐓𝐫𝐚𝐯𝐞𝐥

 

അന്തരീക്ഷത്തിലേക്കുള്ള 𝐑𝐞-𝐞𝐧𝐭𝐫𝐲 സമയത്ത് 𝐒𝐭𝐚𝐫𝐬𝐡𝐢𝐩 പേടകത്തെ ചൂടിൽ നിന്നും സംരക്ഷിക്കുന്നത് എന്താണെന്നറിയാമോ?

അതുപോലെ, 𝐒𝐩𝐚𝐜𝐞 𝐒𝐡𝐮𝐭𝐭𝐥𝐞 പോലുള്ള മുൻ 𝐒𝐩𝐚𝐜𝐞𝐜𝐫𝐚𝐟𝐭-കളിലുള്ള താപ സംരക്ഷണ സംവിധാനങ്ങളിൽ നിന്ന് ഇവയെ വ്യത്യസ്തമാക്കുന്നതെന്താണ്?

ഇന്ധനം കത്തിച്ച് ഉയരുന്നത് പോലെയല്ല തിരിച്ചുവരവ് ഉണ്ടായിരിക്കുക. അത് വളരേ വേഗത്തിലായിരിക്കും. 𝐑𝐞-𝐞𝐧𝐭𝐫𝐲 സമയത്ത്, 𝐒𝐭𝐚𝐫𝐬𝐡𝐢𝐩 ഏകദേശം 𝟏,𝟔𝟓𝟎°𝐂 വരെ താപനില കൈവരിക്കാം.

എതാണ്ട് 𝟐𝟕,𝟎𝟎𝟎 𝐤𝐦/𝐡 എന്ന വേഗതയിലുള്ള തിരിച്ചു വരവിൽ, പേടകവും അന്തരീക്ഷവും തമ്മിലുള്ള ഘർഷണം മൂലമാണ് തീവ്രമായ ചൂട് ഉണ്ടാകുന്നത്!

ഈ ചൂടിനെ അതിജീവിക്കാൻ, പ്രത്യേകതരം 𝐇𝐞𝐚𝐭-𝐫𝐞𝐬𝐢𝐬𝐭𝐚𝐧𝐭 ആയ 𝐂𝐞𝐫𝐚𝐦𝐢𝐜 𝐭𝐢𝐥𝐞𝐬 ആണ് 𝐒𝐩𝐚𝐜𝐞-𝐗 ഉപയോഗിച്ചിരിക്കുന്നത്.

𝐒𝐩𝐚𝐜𝐞 𝐒𝐡𝐮𝐭𝐭𝐥𝐞'𝐬-കളിൽ 𝐓𝐡𝐞𝐫𝐦𝐚𝐥 𝐩𝐫𝐨𝐭𝐞𝐜𝐭𝐢𝐨𝐧-നായി ഉപയോഗിച്ചിരുന്നത്, 𝐑𝐞𝐢𝐧𝐟𝐨𝐫𝐜𝐞𝐝 𝐜𝐚𝐫𝐛𝐨𝐧-𝐜𝐚𝐫𝐛𝐨𝐧 (𝐑𝐂𝐂) എന്ന 𝐂𝐨𝐦𝐩𝐨𝐬𝐢𝐭𝐞 𝐦𝐚𝐭𝐞𝐫𝐢𝐚𝐥, മുൻഭാഗത്തിനും ചിറകുകൾക്കും (𝐍𝐨𝐬𝐞 𝐚𝐧𝐝 𝐰𝐢𝐧𝐠𝐬) മാത്രമായാണ്.

അതിൽ നിന്ന് വ്യത്യസ്തമായി, 𝐒𝐭𝐚𝐫𝐬𝐡𝐢𝐩-ൽ ഏതാണ്ട് മുഴുവൻ ഭാഗവും ഇത്തരം 𝐓𝐢𝐥𝐞𝐬 ഉപയോഗിച്ചാണ് കവർ ചെയ്തിരിക്കുന്നത്! അതുകൊണ്ട് താപത്തിൽ നിന്നുള്ള 𝐔𝐧𝐢𝐟𝐨𝐫𝐦 𝐩𝐫𝐨𝐭𝐞𝐜𝐭𝐢𝐨𝐧 ഉറപ്പിക്കാം.

ഈ 𝐂𝐞𝐫𝐚𝐦𝐢𝐜 𝐭𝐢𝐥𝐞𝐬-ൻ്റെ പ്രത്യേകത എന്തെന്നാൽ! ഇതിന് 𝐋𝐨𝐰 𝐭𝐡𝐞𝐫𝐦𝐚𝐥 𝐜𝐨𝐧𝐝𝐮𝐜𝐭𝐢𝐯𝐢𝐭𝐲 ആണുള്ളത്. കുറഞ്ഞ താപ ചാലകത! അതായത് ചൂട് എളുപ്പത്തിൽ കടന്നുപോകാൻ അനുവദിക്കാതെ അതിനെ ആഗിരണം ചെയ്യാനുള്ള കഴിവ്.

ഇങ്ങനെ ചെയ്യുന്നതുകൊണ്ടുള്ള ഗുണം, 𝐑𝐞-𝐞𝐧𝐭𝐫𝐲, സമയത്ത് ഉള്ളിലേക്ക് എത്താവുന്ന ചൂട് ഈ ടൈലുകൾ തടയും! എങ്ങനെയെന്നാൽ, ഈ ടൈലുകൾ ചൂട് വഹിച്ച്, സാവധാനത്തിൽ കത്തുന്നതുകൊണ്ട് (𝐒𝐥𝐨𝐰 𝐛𝐮𝐫𝐧𝐢𝐧𝐠). 𝐒𝐩𝐚𝐜𝐞𝐜𝐫𝐚𝐟𝐭-ൻ്റെ മറ്റു ഭാഗങ്ങളിലെ താപനില വർദ്ദിക്കുന്നത് മൂലമുണ്ടായേക്കാവുന്ന തകരാറ് ഒഴിവാകും. ഏകദേശം 𝟑𝟎𝟎𝟎°𝐂 വരെ, 𝐒𝐭𝐫𝐞𝐧𝐠𝐭𝐡-ന് കാര്യമായ മാറ്റമില്ലാതെ 𝐇𝐞𝐚𝐭 𝐬𝐡𝐢𝐞𝐥𝐝 ആയി പ്രവർത്തിക്കാൻ ഈ ടൈലുകൾക്ക് കഴിയും!

ഈ 𝐓𝐢𝐥𝐞𝐬 മാറ്റി സ്ഥാപിക്കാൻ കഴിയുന്ന തരത്തിലാണ് 𝐀𝐫𝐫𝐚𝐧𝐠𝐞 ചെയ്തിരിക്കുന്നത് (𝐌𝐨𝐝𝐮𝐥𝐚𝐫 𝐭𝐲𝐩𝐞)! ഇതുകൊണ്ടുള്ള ഗുണം, കേടുപാടുകൾ സംഭവിച്ച 𝐓𝐢𝐥𝐞𝐬 മാറ്റി പുതിയത് ഈസിയായി 𝐅𝐢𝐱 ചെയ്യാം 🧩.

കൂടാതെ, 𝐋𝐢𝐠𝐡𝐭𝐰𝐞𝐢𝐠𝐡𝐭 𝐚𝐧𝐝 𝐫𝐞𝐮𝐬𝐚𝐛𝐥𝐞 ആയതുകൊണ്ട് പഴയ സിസ്റ്റത്തേക്കാൾ, ചെലവ് കുറക്കുകയും അതോടൊപ്പം കാര്യക്ഷമമാക്കുകയും കൂടി ചെയ്യുന്നുണ്ട്.

𝑬 𝒔 𝒄 𝒂 𝒑 𝒆 𝑽 𝒆 𝒍 𝒐 𝒄 𝒊 𝒕 𝒚

 

🌍 ഭൂമിയുടെ ഗുരുത്വബലത്തിൽ നിന്നും, ഒരു വസ്തുവിന് ഒരു തിരിച്ചുവരവ് ഇല്ലാത്ത തരത്തിൽ രക്ഷപെടാൻ വേണ്ട വേഗത എത്രയാണെന്നറിയാമോ? അത് ഏകദേശം 𝟏𝟏.𝟐𝐤𝐦/𝐬 ആണ്.

ഇത് 𝐒𝐞𝐚 𝐥𝐞𝐯𝐞𝐥-ലെ ശബ്ദത്തിൻ്റെ വേഗതയുടെ 𝟑𝟑 മടങ്ങോളം വരും! എന്നുവച്ചാൽ, ഇതുവരെ നിർമ്മിക്കപ്പെട്ടിട്ടുള്ളതിൽ ഏറ്റവും വേഗതയേറിയ യുദ്ധവിമാനങ്ങളുടേയോ, മിസൈലുകളുടേയോ വേഗതയേക്കാൾ വളരേ കൂടുതൽ!!

🌙 ഇനി ചന്ദ്രൻ്റെ കാര്യമെടുത്താൽ, ഏകദേശം 𝟐.𝟑𝟖 𝐤𝐦/𝐬 വേഗതയേ വേണ്ടൂ. വളരെ കുറഞ്ഞ ഇന്ധനമുപയോഗിച്ച്, 𝐒𝐩𝐚𝐜𝐞𝐜𝐫𝐚𝐟𝐭-കൾക്ക് അവിടെ നിന്നും പറന്നുയരാനും ഇറങ്ങാനും കഴിയുന്നതിൻ്റെ കാരണമിതാണ്. ഉദാഹരണം നാസയുടെ 𝐀𝐩𝐩𝐨𝐥𝐥𝐨 𝐦𝐢𝐬𝐬𝐢𝐨𝐧𝐬!

🌞 ഇനി സൂര്യൻ്റെ കാര്യത്തിലോ! 𝟔𝟏𝟕.𝟓𝐤𝐦/𝐬 വേഗതയെങ്കിലും വേണ്ടി വരും! കാരണം ആകെ സൗരയൂഥത്തിൻ്റെ 𝟗𝟖%-ത്തിൽ കൂടുതൽ 𝐌𝐚𝐬𝐬 സൂര്യൻ്റേത് മാത്രമാണ്.

ഭൂമിയിൽ നിന്നും അകലേക്ക് വീക്ഷേപിക്കപ്പെടുന്ന 𝐒𝐩𝐚𝐜𝐞𝐜𝐫𝐚𝐟𝐭-കൾക്ക് സൂര്യൻ്റെ ഗുരുത്വത്തിൽ നിന്നും എളുപ്പത്തിൽ രക്ഷപ്പെടാൻ കഴിയുന്നത്, മറ്റേതെങ്കിലും 𝐂𝐞𝐥𝐞𝐬𝐭𝐢𝐚𝐥 𝐛𝐨𝐝𝐲-യുടെ ഗുരുത്വത്തെ 𝐆𝐫𝐚𝐯𝐢𝐭𝐚𝐭𝐢𝐨𝐧𝐚𝐥 𝐬𝐥𝐢𝐧𝐠𝐬𝐡𝐨𝐭 (𝐆𝐫𝐚𝐯𝐢𝐭𝐲 𝐚𝐬𝐬𝐢𝐬𝐭) എന്ന 𝐓𝐞𝐜𝐡𝐧𝐢𝐪𝐮𝐞 ആയി ഉപയോഗിക്കുന്നത് കൊണ്ടും, ഭൂമിയുടെ 𝐎𝐫𝐛𝐢𝐭𝐚𝐥 𝐚𝐧𝐝 𝐑𝐨𝐭𝐚𝐭𝐢𝐨𝐧𝐚𝐥 𝐯𝐞𝐥𝐨𝐜𝐢𝐭𝐲 എന്ന ഗുണം, 𝐒𝐩𝐚𝐜𝐞𝐜𝐫𝐚𝐟𝐭-കൾക്ക് ലഭിക്കുന്നത് കൊണ്ടും കൂടിയാണ്.

🌑 ഇനി 𝐁𝐥𝐚𝐜𝐤𝐡𝐨𝐥𝐞 എടുത്താൽ, അതിൽ നിന്നുള്ള 𝐄𝐬𝐜𝐚𝐩𝐞 𝐯𝐞𝐥𝐨𝐜𝐢𝐭𝐲, എപ്പോഴും പ്രകാശവേഗതയേക്കാൾ കൂടുതലായിരിക്കും! 𝐁𝐥𝐚𝐜𝐤𝐡𝐨𝐥𝐞-ൻ്റെ 𝐄𝐯𝐞𝐧𝐭 𝐡𝐨𝐫𝐢𝐳𝐨𝐧 എന്ന അതിർത്തിക്കുള്ളിൽ നിന്ന് രക്ഷപ്പെടാൻ പ്രപഞ്ചത്തിലെ പരമാവധി വേഗതയിൽ സഞ്ചരിച്ചാൽ പോലും കഴിയില്ല എന്നർത്ഥം!

ശരിക്കുമെന്താണ് ഈ 𝐄𝐬𝐜𝐚𝐩𝐞 𝐕𝐞𝐥𝐨𝐜𝐢𝐭𝐲?

ഒരു 𝐆𝐫𝐚𝐯𝐢𝐭𝐚𝐭𝐢𝐨𝐧𝐚𝐥 𝐟𝐢𝐞𝐥𝐝-ൽ നിന്ന് എന്നെന്നേക്കുമായി രക്ഷപ്പെടാൻ വേണ്ട, ഏറ്റവും കുറഞ്ഞ വേഗതയാണ് 𝐄𝐬𝐜𝐚𝐩𝐞 𝐯𝐞𝐥𝐨𝐜𝐢𝐭𝐲!

𝐆𝐫𝐚𝐯𝐢𝐭𝐚𝐭𝐢𝐨𝐧𝐚𝐥 𝐟𝐢𝐞𝐥𝐝-ന് കാരണമാകുന്നതിൻ്റെ 𝐌𝐚𝐬𝐬 𝐚𝐧𝐝 𝐑𝐚𝐝𝐢𝐮𝐬-നെ മാത്രം ആശ്രയിച്ചാണ് 𝐄𝐬𝐜𝐚𝐩𝐞 𝐯𝐞𝐥𝐨𝐜𝐢𝐭𝐲 എത്രയെന്ന് തീരുമാനിക്കപ്പെടുന്നത്. മറിച്ച്, 𝐄𝐬𝐜𝐚𝐩𝐞 ആകുന്ന വസ്തുവിൻ്റെ 𝐌𝐚𝐬𝐬-നെയല്ല എന്ന് കൂടി മനസ്സിലാക്കേണ്ടതുണ്ട്.

ഉദാഹരണത്തിന് ഒരു വലിയ പാറ മുകളിലേക്ക് എറിയുന്നതും ഒരു മണൽത്തരി എറിയുന്നതും മാറ്റമില്ല എന്നർത്ഥം! 𝐄𝐬𝐜𝐚𝐩𝐞 𝐯𝐞𝐥𝐨𝐜𝐢𝐭𝐲 ഉണ്ടെങ്കിൽ മാത്രമേ അത് തിരിച്ച് വരാതിരിക്കുകയുള്ളൂ!!

𝐑𝐚𝐝𝐢𝐮𝐬-നെ ആശ്രയിക്കുന്നു എന്ന് പറഞ്ഞത്, ഭൂമിയുടെ കേന്ദ്രത്തിൽ നിന്നുള്ള അകലം കൂടുന്തോറും 𝐆𝐫𝐚𝐯𝐢𝐭𝐲 കുറയുന്നതിനാൽ 𝐄𝐬𝐜𝐚𝐩𝐞 𝐯𝐞𝐥𝐨𝐜𝐢𝐭𝐲-യും കുറവു മതി.

അതായത്, ഭൂമിയുടെ കേന്ദ്രത്തിൽ നിന്നുള്ള അകലത്തിൻ്റെ 𝐒𝐪𝐮𝐚𝐫𝐞 𝐫𝐨𝐨𝐭-ന് 𝐈𝐧𝐯𝐞𝐫𝐬𝐞𝐥𝐲 𝐩𝐫𝐨𝐩𝐨𝐫𝐭𝐢𝐨𝐧𝐚𝐥-ലായിരിക്കും 𝐄𝐬𝐜𝐚𝐩𝐞 𝐯𝐞𝐥𝐨𝐜𝐢𝐭𝐲. അതുകൊണ്ട് ഭൂമിയുടെ 𝐄𝐪𝐮𝐚𝐭𝐨𝐫𝐢𝐚𝐥 𝐫𝐚𝐝𝐢𝐮𝐬, 𝐏𝐨𝐥𝐚𝐫 𝐫𝐚𝐝𝐢𝐮𝐬-നേക്കാൾ കൂടുതൽ ആയതുകൊണ്ട് 𝐏𝐨𝐥𝐞𝐬-ൽ നിന്നും രക്ഷപ്പെടാൻ കൂടുതൽ 𝐕𝐞𝐥𝐨𝐜𝐢𝐭𝐲 ആവശ്യമായി വരും!

𝐄𝐬𝐜𝐚𝐩𝐞 𝐯𝐞𝐥𝐨𝐜𝐢𝐭𝐲 ആവശ്യത്തിൽ അൽപം കുറവോ കൂടുതലോ ഉള്ളവയ്ക്ക് എന്തായിരിക്കും സംഭവിക്കുക!!

അല്പം മാത്രം കുറവാണെങ്കിൽ അകലേക്ക് പോകുമെങ്കിലും, എന്നെങ്കിലുമൊരിക്കൽ തിരിച്ചു വരും, ഒരു വലിയ 𝐄𝐥𝐥𝐢𝐩𝐭𝐢𝐜𝐚𝐥 𝐨𝐫𝐛𝐢𝐭-ൽ ഇത് തുടരും!

അവശ്യത്തിൽ കൂടുതലുണ്ടെങ്കിൽ, ഒരു 𝐇𝐲𝐩𝐞𝐫𝐛𝐨𝐥𝐢𝐜 𝐨𝐫𝐛𝐢𝐭 സ്വീകരിച്ച്, ആ 𝐆𝐫𝐚𝐯𝐢𝐭𝐚𝐭𝐢𝐨𝐧𝐚𝐥 𝐢𝐧𝐟𝐥𝐮𝐞𝐧𝐜𝐞-നെത്തന്നെ ഉപേക്ഷിക്കും! അധികമുള്ള 𝐊𝐢𝐧𝐞𝐭𝐢𝐜 𝐞𝐧𝐞𝐫𝐠𝐲-യാണ് തുടർന്നുള്ള സഞ്ചാരത്തിൻ്റെ 𝐕𝐞𝐥𝐨𝐜𝐢𝐭𝐲 എത്രയെന്ന് തീരുമാനിക്കുക!

▶ഇവിടെ പറഞ്ഞ കണക്കുകൾ, അന്തരീക്ഷത്തെ പരിഗണിക്കാതെ ഉള്ളതാണ്. കൂടാതെ 𝐂𝐨𝐧𝐭𝐢𝐧𝐮𝐨𝐮𝐬 𝐭𝐡𝐫𝐮𝐬𝐭 ഉപയോഗിച്ച് വേഗത വർദ്ദിപ്പിക്കുന്ന ഒന്നിനും 𝐄𝐬𝐜𝐚𝐩𝐞 𝐯𝐞𝐥𝐨𝐜𝐢𝐭𝐲-യുടെ ആവശ്യവുമില്ല!

🪨 അവസാനമായി ഛിന്നഗ്രഹങ്ങളിലെ അവസ്ഥ കൂടി നോക്കാം..ഒരു ഛിന്നഗ്രഹത്തിൽ നിന്നുള്ള 𝐄𝐬𝐜𝐚𝐩𝐞 𝐯𝐞𝐥𝐨𝐜𝐢𝐭𝐲 𝟔𝐦/𝐬-ൽ കുറവാണെങ്കിൽ, അതിൽ നിന്നും 𝐄𝐬𝐜𝐚𝐩𝐞 അകാൻ ഒന്ന് ചാടിയാൽ മാത്രം മതിയാകും!

ഉദാഹരണത്തിന്, ബെന്നു എന്ന ഛിന്നഗ്രഹത്തിൽ നിൽക്കുന്ന ബഹിരാകാശ സഞ്ചാരി, മിക്കവാറും ഒന്ന് ആഞ്ഞു ചവിട്ടിയാൽത്തന്നെ ബെന്നുവിൻ്റെ സ്വാധീനത്തിൽ നിന്നും എന്നെന്നേക്കുമായി രക്ഷപ്പെടും!

Terminal High Altitude Area Defense (THAAD)

 

ഹ്രസ്വ, ഇടത്തരം, ഇൻ്റർമീഡിയറ്റ് ശ്രേണിയിലുള്ള ബാലിസ്റ്റിക് മിസൈലുകളെ തടയാൻ രൂപകൽപ്പന ചെയ്തിട്ടുള്ള ഒരു അമേരിക്കൻ ആൻ്റി-ബാലിസ്റ്റിക് മിസൈൽ പ്രതിരോധ സംവിധാനമാണ് Terminal High Altitude Area Defense (THAAD). ശത്രു ബാലിസ്റ്റിക് മിസൈലുകളെ അവയുടെ ടെർമിനൽ ഘട്ടത്തിൽ തടയാനും നശിപ്പിക്കാനും കഴിവുള്ള ഭൂതല മിസൈൽ പ്രതിരോധ സംവിധാനമാണ് താഡ്. 

ടെർമിനൽ ഘട്ടം എന്നത് ഒരു ബാലിസ്റ്റിക് മിസൈലിൻ്റെ പറക്കലിൻ്റെ അവസാന ഘട്ടത്തെ സൂചിപ്പിക്കുന്നു, സാധാരണയായി ആഘാതത്തിന് മുമ്പുള്ള അവസാന നിമിഷങ്ങൾ. ഈ ഘട്ടത്തിൽ മിസൈൽ ബഹിരാകാശത്ത് നിന്നും തിരിച്ച് ഭൗമാന്തരീക്ഷത്തിൽ പ്രവേശിച്ചിട്ടുണ്ടാകും. ഗ്രാവിറ്റി, ഓൺബോർഡ് നാവിഗേഷൻ സംവിധാനങ്ങൾ ഉപയോഗിച്ചായിരിക്കും ഈ വേളയിൽ മിസൈലിന്റെ സഞ്ചാരം, മിസൈൽ അതിൻ്റെ പരമാവധി വേഗതയിലായിരിക്കും. ഈ സമയം അതിൻ്റെ ഗതിയും ലക്ഷ്യവും മാറ്റാനുള്ള സാധ്യത വളരെ കുറവായിരിക്കും. അതായത്, അതിൻ്റെ പാതയും ലക്ഷ്യസ്ഥാനവും നിശ്ചയിച്ചു കഴിഞ്ഞു. 

മിസൈൽ പ്രതിരോധത്തിന് ടെർമിനൽ ഘട്ടം നിർണായകമാണ്, ആഘാതം തടയുന്നതിന്  ദ്രുതവും കൃത്യവുമായ നടപടി ആവശ്യമാണ്.   സമയം പരിമിതമാണ്, ശത്രു മിസൈൽ ഉദ്ദേശിച്ച ലക്ഷ്യത്തിനടുത്താണ്. ലക്ഷ്യത്തിലെത്തും മുമ്പേ ഇൻ്റർസെപ്റ്ററുകൾക്ക്  ശത്രു മിസൈലിനെ വളരെ വേഗത്തിൽ ട്രാക്ക് ചെയ്യുകയും അതിന്റെ നാശം ഉറപ്പാക്കാൻ കൃത്യമായി ലക്ഷ്യം വയ്ക്കുകയും വേണം. 

താഡ് ഇൻ്റർസെപ്റ്റർ വാർഹെഡ് വഹിക്കുന്നില്ല, പകരം അതിൻ്റെ ഗതികോർജ്ജം ഉപയോഗിച്ച് ഇൻകമിംഗ് മിസൈലിനെ കൂട്ടിയിടിച്ച് നശിപ്പിക്കുന്നു.   താഡിൻ്റെ റഡാറിന് 870 മുതൽ 3,000 കിലോമീറ്റർ (AN/TPY-2 റഡാർ) പരിധിയിലുള്ള ഭീഷണികൾ കണ്ടെത്താനും ഏകദേശം 200 കിലോമീറ്റർ പരിധിയിൽ ശത്രു മിസൈലുകളെ തടസ്സപ്പെടുത്താനും കഴിയും.   ശബ്ദത്തിൻ്റെ 8 മടങ്ങിൽ കൂടുതലാണ് ഇതിന്റെ വേഗത. 

ഒരു സാധാരണ താഡ് സിസ്റ്റത്തെ താഡ് ബാറ്ററി എന്ന് വിളിക്കുന്നു.   ഒരു താഡ് ബാറ്ററിയിൽ ആറ് ട്രക്കുകളിൽ ഘടിപ്പിച്ച ലോഞ്ചറുകൾ അടങ്ങിയിരിക്കുന്നു.   വാഹനങ്ങളിൽ ഘടിപ്പിച്ചിരിക്കുന്നത് ചലനാത്മകതയും വിന്യാസ വഴക്കവും സാധ്യമാക്കുന്നു.  ഓരോ ലോഞ്ചറിനും എട്ട് ഇൻ്റർസെപ്റ്ററുകൾ വരെ വഹിക്കാനാകും. 

ലോഞ്ചറിൽ നിന്ന് ലംബമായാണ് ഇൻ്റർസെപ്റ്റർ മിസൈലുകൾ വിക്ഷേപിക്കുന്നത്.   ലോഞ്ചറുകൾക്ക് ദ്രുതഗതിയിൽ ഒന്നിലധികം മിസൈലുകൾ വിക്ഷേപിക്കാൻ കഴിയും.   ഓരോ ലോഞ്ചറും റീലോഡ് ചെയ്യാൻ ഏകദേശം 30 മിനിറ്റ് എടുക്കും. താഡിന് പ്രവർത്തിക്കാൻ ഗണ്യമായ എണ്ണം ഉദ്യോഗസ്ഥർ ആവശ്യമാണ്. ബാറ്ററി പൂർണ്ണമായി ലോഡുചെയ്യാൻ 95  സൈനികർ ആവശ്യമാണ്. 

അമേരിക്കൻ പ്രതിരോധ, എയ്‌റോസ്‌പേസ് നിർമ്മാതാക്കളായ ലോക്ക്ഹീഡ് മാർട്ടിൻ കോർപ്പറേഷൻ ആണ് ഇത് വികസിപ്പിച്ചെടുത്തത്. 1991-ലെ ഗൾഫ് യുദ്ധസമയത്ത് ഇറാഖിൻ്റെ സ്‌കഡ് മിസൈൽ ആക്രമണങ്ങളുടെ അനുഭവത്തിന് ശേഷമാണ് താഡ് വികസിപ്പിച്ചത്.

ഈ അത്യാധുനിക മിസൈൽ പ്രതിരോധ സംവിധാനത്തിന്റെ പ്രാരംഭ വിന്യാസം നടന്നത് 2008 മെയ് മാസത്തിലാണ്.  

ഇറാൻ്റെ ആക്രമണത്തെത്തുടർന്ന് ഇസ്രായേലിൻ്റെ വ്യോമ പ്രതിരോധം ശക്തിപ്പെടുത്തുന്നതിനായി 2024 ഒക്ടോബർ 13-ന് യു.എസ്. പ്രതിരോധ വകുപ്പ് ഒരു താഡ് ബാറ്ററി ഇസ്രായേലിൽ വിന്യസിച്ചു. താഡ് ഇസ്രായേലിൽ വിന്യസിക്കുന്നത് ഇതാദ്യമായല്ല, പരിശീലനത്തിനും സംയോജിത വ്യോമ പ്രതിരോധ അഭ്യാസത്തിനും വേണ്ടി 2019 ൽ ഇത് മുമ്പ് വിന്യസിച്ചിരുന്നു.

UAE,  റൊമാനിയ, ദക്ഷിണ കൊറിയ എന്നിവിടങ്ങളിലും താഡ് നേരത്തെ വിന്യസിച്ചിട്ടുണ്ട്. 

നഗരങ്ങൾ, സൈനിക താവളങ്ങൾ, തന്ത്രപ്രധാനമായ ആസ്തികൾ എന്നിവയുൾപ്പെടെയുള്ള വിശാലമായ പ്രദേശങ്ങൾ സംരക്ഷിക്കാൻ താഡിനാവും

ഹബിൾ കാണുന്ന പ്രപഞ്ചം

 ഹബിൾ ടെലിസ്‌കോപ്പ് പ്രപഞ്ചത്തെ കാണുന്നതും നാം കാണുന്നതും തമ്മിൽ പ്രധാനവ്യത്യസം എന്താണ്!?

നമുക്ക് കാഴ്ച സാധ്യമാകുന്നത് എങ്ങനെയെന്ന് അറിഞ്ഞിരിക്കണം എന്നുള്ളതുകൊണ്ട് ഒന്ന് ചുരുക്കിപ്പറയാം..

കണ്ണും തലച്ചോറും ഒരുമിച്ച് പ്രവർത്തിക്കുന്ന ഒരു സങ്കീർണ്ണമായ പ്രക്രിയയിലൂടെയാണ് മനുഷ്യന് കാഴ്ച സാധ്യമാകുന്നത്.

ചുറ്റുപാടുകളിൽ നിന്നുമുള്ള പ്രകാശം കണ്ണിൻ്റെ ഉപരിതലത്തിലെ സുതാര്യമായ കോർണിയയിൽ (𝑪𝒐𝒓𝒏𝒆𝒂) പതിക്കുന്നു. കോർണിയയും ലെൻസും പ്രകാശത്തെ വളച്ച് (𝑹𝒆𝒇𝒓𝒂𝒄𝒕𝒔) കൃഷ്ണമണിയിലൂടെ (𝑷𝒖𝒑𝒊𝒍) റെറ്റിനയിലേക്ക് (𝑹𝒆𝒕𝒊𝒏𝒂) കടത്തിവിടുന്നു.

റെറ്റിനയിൽ എത്തിയതിനുശേഷം പല 𝑩𝒊𝒐𝒍𝒐𝒈𝒊𝒄𝒂𝒍 𝑷𝒓𝒐𝒄𝒆𝒔𝒔-ലൂടെ അവസാനം 𝑬𝒍𝒆𝒄𝒕𝒓𝒊𝒄𝒂𝒍 𝒔𝒊𝒈𝒏𝒂𝒍𝒔 ആയി മസ്തിഷ്കത്തിൽ വിവരങ്ങൾ എത്തുമ്പോഴാണ് കാഴ്ച എന്ന അനുഭവം നമുക്ക് സാധ്യമാകുന്നത്.

നമ്മുടെ വിഷയം ഇതാണ്,

ഇവിടെ ഉള്ളിലേക്ക് കടക്കുന്ന പ്രകാശം എത്ര അളവിൽ ആയിരിക്കണമെന്ന് തീരുമാനിക്കുന്നത് ഐറിസ് (𝑰𝒓𝒊𝒔) ആണ്. ഐറിസ് കൃഷ്ണമണിയുടെ വലിപ്പം നിയന്ത്രിക്കുന്നതിലൂടെയാണ് പ്രകാശത്തിൻ്റെ അളവും തീരുമാനിക്കപ്പെടുന്നത്.

ഒരു വസ്തുവിൽ നിന്നുള്ള പ്രകാശം പരമാവധി 𝑪𝒐𝒍𝒍𝒆𝒄𝒕 ചെയ്യാൻ സാധിക്കുമ്പോഴാണ് കൂടുതൽ നന്നായി കാഴ്ച സാധ്യമാകുന്നത്.

നമ്മുടെ കണ്ണുകൾക്ക് പ്രകാശം ഉള്ളിലേക്ക് കടത്തിവിടുന്ന ആ 'പ്രവേശന കവാട'ത്തിന് ഒരു പരിധിയുണ്ട്! പ്രവേശന കവാടം എത്ര വലുതാണോ അത്രത്തോളം മിഴിവാർന്ന കാഴ്ച സാധ്യമാകും.

𝑻𝒆𝒍𝒆𝒔𝒄𝒐𝒑𝒆-കളുടെ കാര്യത്തിലും അങ്ങനെതന്നെയാണ്! ഒരു 𝑹𝒆𝒇𝒓𝒂𝒄𝒕𝒐𝒓 𝒕𝒆𝒍𝒆𝒔𝒄𝒐𝒑𝒆-ൻ്റെ കാര്യത്തിൽ 𝑶𝒃𝒋𝒆𝒄𝒕𝒊𝒗𝒆 𝒍𝒆𝒏𝒔-ഉം 𝑹𝒆𝒇𝒍𝒆𝒄𝒕𝒐𝒓 𝒕𝒆𝒍𝒆𝒔𝒄𝒐𝒑𝒆-ൻ്റെ കാര്യത്തിൽ 𝑷𝒓𝒊𝒎𝒂𝒓𝒚 മിററുമാണ് പ്രകാശത്തെ സ്വീകരിക്കുന്ന കവാടം. ഇതിൻ്റെ വലിപ്പം കൂടുന്തോറും വ്യക്തതയും കൂടും.

ജ്യോതിശാസ്ത്ര രംഗത്ത് നിർണായക പങ്ക് വഹിച്ച നമ്മുടെ 𝑯𝒖𝒃𝒃𝒍𝒆 𝑺𝒑𝒂𝒄𝒆 𝑻𝒆𝒍𝒆𝒔𝒄𝒐𝒑𝒆 ഒരു 𝑹𝒆𝒇𝒍𝒆𝒄𝒕𝒊𝒏𝒈 𝒕𝒆𝒍𝒆𝒔𝒄𝒐𝒑𝒆 ആണ്. ഇതിൻ്റെ 𝑷𝒓𝒊𝒎𝒂𝒓𝒚 𝒎𝒊𝒓𝒓𝒐𝒓-ൻ്റെ വ്യാസം 2.4 𝒎𝒆𝒕𝒆𝒓 ആണ്. മനുഷ്യൻ്റെ കണ്ണിൻ്റെ എത്ര മടങ്ങ് വലുതാണെന്ന് ഊഹിച്ച് നോക്കൂ..

കൂടാതെ 𝑯𝒖𝒃𝒃𝒍𝒆 പ്രപഞ്ചത്തെ കാണുന്നത് അന്തരീക്ഷത്തിൻ്റെ തടസ്സം പോലും ഇല്ലാത്ത ബഹിരാകാശത്തിൽ ഭൂമിയെ 𝑶𝒓𝒃𝒊𝒕 ചെയ്തുകൊണ്ടാണ്. അതുകൊണ്ട്, ഇതേ സവിശേഷതകളുള്ള ഭൂമിയിലെ ടെലിസ്കോപ്പിനെക്കാൾ ഭംഗിയായി 𝑯𝒖𝒃𝒃𝒍𝒆-ന് കാണാനാകും.

𝑨𝒏𝒅𝒓𝒐𝒎𝒆𝒅𝒂 𝒈𝒂𝒍𝒂𝒙𝒚-യിലെ ഒരു ചെറിയ പ്രദേശത്തേക്ക് 🔍 𝑯𝒖𝒃𝒃𝒍𝒆 നോക്കിയപ്പോഴുള്ള കാഴ്ചയാണ് ചിത്രത്തിൽ.

ഇതിലെ ഓരോ കുത്തുകളും ഓരോ നക്ഷത്രങ്ങൾ ആണെന്ന് നമുക്കറിയാം. ഓരോ കുത്തുകൾക്കിടയിലുമുള്ള ദൂരമാണ് ഇടക്ക് കറുത്ത പ്രദേശമായി കാണുന്നത്. ആ കറുത്ത പ്രദേശങ്ങൾക്ക്, ഏകദേശം 4 പ്രകാശവർഷങ്ങൾ എങ്കിലും വലിപ്പമുണ്ടായിരിക്കും എന്നത് കൂടി മനസ്സിലാക്കേണ്ടതുണ്ട്

സ്ഥലം-കാലം തമ്മിലുള്ള ബന്ധം

 സ്ഥലം (Space) കാലം (Time) എന്നിവ പരസ്പരം ബന്ധമുള്ളവയാണ് എന്ന് ആൽബർട്ട് ഐൻസ്റ്റൈൻ ഉപദേശിച്ച ആപേക്ഷതാ സിദ്ധാന്തം (Theory of Relativity) തെളിയിക്കുന്നു. ഈ സിദ്ധാന്തം അനുസരിച്ച്, സ്ഥലം, കാലം എന്നിവയെ വേർതിരിച്ചിട്ടില്ല, അവ ഒന്നിച്ച് "സ്പേസ്-ടൈം" (Space-Time) എന്നൊരു ഘടകം രൂപീകരിക്കുന്നു.

സ്ഥലം-കാലം തമ്മിലുള്ള ബന്ധം:

സ്പേസ്-ടൈം കോണ്ടിനിയം: സ്ഥലം (Space) വെറും മൂന്ന് അളവുകൾ (മൂന്ന് ഡയമെൻഷനുകൾ) മാത്രമുള്ള ഒരു ഘടകം അല്ല, അത് നാലാമത്തെ അളവായ സമയത്തെയും (Time) ഉൾക്കൊള്ളുന്നു. അവ രണ്ടും ഒരുമിച്ചു പ്രവർത്തിക്കുന്നു.

ദ്രവ്യത്തിന്റെ പ്രഭാവം: ആപേക്ഷികതാ  സിദ്ധാന്തം പറയുന്നത്, വലിയ പിണ്ഡം ഉള്ള ദ്രവ്യങ്ങൾ സ്ഥലം-കാലത്തെ വളയ്ക്കുന്നു (Curvature of Space-Time). ഉദാഹരണത്തിന്, സൂര്യൻ പോലുള്ള വലിയൊരു ദ്രവ്യം സ്ഥലം-കാലത്തെ വളച്ചുകൊണ്ട്, അതിന് ചുറ്റും ഗ്രഹങ്ങൾ സഞ്ചരിക്കാൻ കാരണമാകുന്നു.  വസ്തുക്കളുടെ ആകർഷണവും പ്രത്യക്ഷമാണ്.

സമയത്തിന്റെ ആപേക്ഷികതാ : ദ്രവ്യത്തിന്റെ വേഗത കൂടുന്നപ്പോൾ (ജ്യോതിസ്സമയത്തിന് അടുത്ത്), സ്ഥലം-കാലത്തിന്റെ സ്വഭാവം മാറുന്നു. ഉദാഹരണത്തിന്, ഒരാൾ ഒരു വേഗമേറിയ റോക്കറ്റിൽ സഞ്ചരിക്കുമ്പോൾ, അവന്റെ സമയം വേഗം കുറഞ്ഞ് നീങ്ങും. അതായത്, വേഗതയുടെ സ്വഭാവം സമയത്തെ സ്വാധീനിക്കുന്നു.

സ്ഥലം-കാലം വ്യതിയാനങ്ങൾ: ഗ്രാവിറ്റേഷനൽ ഫീൽഡുകൾ (Gravitational Fields) ദ്രവ്യത്തിന്റെ അളവിനനുസരിച്ച് സ്ഥലം-കാലത്തെ വളയ്ക്കുന്നു. ഇത് വലിയ അളവിലുള്ള പിണ്ഡം ഉള്ള സ്ഥലത്ത് സമയം മന്ദമായി നീങ്ങുകയും അതിൽ ദ്രവ്യങ്ങളും സമയവും തമ്മിൽ പരസ്പരം ബാധിക്കുകയും ചെയ്യുന്നു.

ദ്രവ്യവും സ്ഥലം-കാലവും:

ദ്രവ്യം (Matter) സ്ഥലം-കാലവുമായി ഇടപഴകുന്നു. ദ്രവ്യത്തിന്റെ സാന്നിധ്യം സ്ഥലം-കാലത്തെ വളയ്ക്കുകയും ദ്രവ്യങ്ങൾ ആ വളയത്തിൽ സഞ്ചരിക്കപ്പെടുകയും ചെയ്യുന്നു.

ഒന്നിൻ്റെയും സ്വാധീനം ഇല്ലാത്ത space - time നെ flat space - time എന്ന് വിളിക്കുന്നു. ഈ flat space - time ൽ light ന് 3 ലക്ഷം km സഞ്ചരിക്കാൻ എടുക്കുന്ന സമയത്തെ ഒരു സെക്കൻ്റ് ആയി കണക്കാക്കാം.

ഇനി ഈ Space time ൽ ൻ്റെ ഒരു വശത്ത് വളരെ മാസ് ഉള്ള ഒരു വസ്തു വച്ചു എന്ന് കരുതുക. അപ്പോൾ അവിടെ space bend ആകുന്നു. ഇവിടെയും light ഒരു സെക്കൻ്റിൽ 3 ലക്ഷം km തന്നെയാണ് സഞ്ചരിക്കുന്നത് എന്നിരുന്നാലും Space - time bend ആകുന്നത് കാരണം light ന് കൂടുതൽ Space കവർ ചെയ്യേണ്ടി വരുന്നു. ഇത് കാരണം മാസ് ഉള്ള Space ൽ മാസ് ഇല്ലാത്ത space നെ അപേക്ഷിച്ച് time Slow ആകുന്നു.

ചുരുക്കി പറഞ്ഞാൽ Flat Space - time ൽ time maximum ആയിരിക്കും.

ആൻഡ്രോമിഡയുടെ വലിപ്പം / 𝑹𝒆𝒂𝒍 𝒂𝒏𝒈𝒖𝒍𝒂𝒓 𝒔𝒊𝒛𝒆 𝒐𝒇 𝑨𝒏𝒅𝒓𝒐𝒎𝒆𝒅𝒂

 

ആകാശത്തിൽ സൂര്യനെക്കാളോ ചന്ദ്രനെക്കാളോ വലിപ്പത്തിലാണ് 𝑨𝒏𝒅𝒓𝒐𝒎𝒆𝒅𝒂 𝑮𝒂𝒍𝒂𝒙𝒚-യെ കാണാൻ കഴിയുക എന്നറിയാമോ!

ഒന്നരലക്ഷം പ്രകാശവർഷം വ്യാസമുള്ള 𝑨𝒏𝒅𝒓𝒐𝒎𝒆𝒅𝒂, 25 ലക്ഷം പ്രകാശവർഷം അകലെയാണുള്ളത്. കൂടാതെ നമ്മോട് അടുത്തുകൊണ്ടിരിക്കുന്ന അതിഭീമൻ ഗാലക്സി കൂടിയാണിത്.

𝑨𝒏𝒅𝒓𝒐𝒎𝒆𝒅𝒂 𝑮𝒂𝒍𝒂𝒙𝒚-യുടെ 𝑨𝒏𝒈𝒖𝒍𝒂𝒓 𝒔𝒊𝒛𝒆 2.8° ആണ്. എന്നുവെച്ചാൽ ചന്ദ്രൻ്റെ വലുപ്പത്തിൻ്റെ 6 മടങ്ങ് വരും!

ഇത്രവലുതായി ആകാശത്ത് ഉണ്ടെങ്കിലും നമുക്ക് മങ്ങിയ രീതിയിൽ കാണുന്നതിന് കാരണം അതിലേക്കുള്ള വലിയ ദൂരം തന്നെയാണ്.

നല്ല ടെലിസ്കോപ്പ് ഇല്ലാതെയാണെങ്കിൽ, അതായത് ബൈനോകുലറോ, വെറും കണ്ണുകൊണ്ടോ കാണുകയാണെങ്കിൽ ഗാലക്സിയുടെ നന്നായി പ്രകാശിക്കുന്ന ഭാഗം (𝑮𝒂𝒍𝒂𝒄𝒕𝒊𝒄 𝒄𝒆𝒏𝒕𝒓𝒆) മാത്രമേ കാണാനാവുകയുള്ളൂ! ഇതാണ് ആകാശത്തെ ഇതിൻ്റെ ശരിയായ വലിപ്പത്തെക്കുറിച്ച് പലർക്കും ധാരണയില്ലാത്തത്.

കൗതുക ശാസ്ത്രം

 

ഒരു ആനയാണോ ഒരു മനുഷ്യനാണോ ഭൂമിയില്‍ കൂടുതല്‍ മര്‍ദ്ദം പ്രയോഗിക്കുന്നത് ? തീര്‍ച്ചയായും ആന തന്നെയാണ്. എന്നാല്‍ രസകരമായ കാര്യം എന്താണെന്നാല്‍ 4000 കിലാഗ്രാം മാസ്സ് ഉള്ള ഒരു ആന ഭൂമിയില്‍ പ്രയോഗിക്കുന്ന മര്‍ദ്ദേത്തേക്കാള്‍ അധികം ആയിരിക്കും ചിത്രത്തില്‍ കാണുന്ന തരത്തിലുള്ള ഹൈ ഹീല്‍ ചെരിപ്പ് ധരിച്ച വെറും 50 കിലാഗ്രാം മാത്രം മാസ്സ് ഉള്ള വ്യക്തി ഭൂമിയില്‍ ചെലുത്തുന്ന മര്‍ദ്ദം എന്ന് കണക്കാക്കിയിട്ടുണ്ട്!!!

ഇത് എങ്ങനെ പ്രവര്‍ത്തിക്കുന്നു എന്ന് നോക്കാം. ഒരു വസ്തു ഒരു പ്രതലത്തില്‍ ചെലുത്തുന്ന Applied Force നെ അത് ഉള്‍ക്കൊള്ളുന്ന പ്രതലത്തിലെ ആ വസ്തു ഉള്‍ക്കൊള്ളുന്ന വിസ്തീര്‍ണ്ണം കൊണ്ട് ഭാഗിച്ച് മര്‍ദ്ദം കണക്കാക്കാന്‍ കഴിയും.

അതായത് Presseure = Force / Area

P = F/A 

ന്യൂട്ടന്റെ രണ്ടാം ചലന നിയമപ്രകാരം F = Mg ആണ്. (M = വസ്തുവിന്റെ മാസ്, g = Acceleration due to gravity)

ഇതില്‍ നിന്നും P=Mg/A എന്ന് ലഭിക്കും. അതായത്, ഒരു വസ്തു ഭൂമിയില്‍ പ്രയോഗിക്കുന്ന മര്‍ദ്ദം ആ വസ്തുവിന്റെ മാസ്സിന് നേര്‍ അനുപാതത്തിലും വിസ്തീര്‍ണ്ണത്തിന് വിപരീതാനുപാതത്തിലും ആയിരിക്കും. അതായത് വിസ്തീര്‍ണ്ണം കുറയുന്നതിനനുസരിച്ച് ചെലുത്തുന്ന മര്‍ദ്ദം കൂടുന്നു. ഈ തത്വമാണ് ഹൈ ഹീല്‍ ചെരുപ്പിന്റെ കാര്യത്തിലും പ്രവര്‍ത്തിക്കുന്നത്. ഹൈ ഹീല്‍ ചെരിപ്പ് ധരിക്കുമ്പോള്‍ അത് ഭൂമിയില്‍ ഉള്‍ക്കൊള്ളുന്ന വീസ്തീര്‍ണം സാധാരണ ചെരിപ്പിനേക്കാളും, ചെരിപ്പ് ധരിക്കാത്തതിനേക്കാളും വളരെ കുറവ് ആയിരിക്കും. വിസ്തീര്‍ണ്ണം കുറയുന്നത് മര്‍ദ്ദം കൂടുന്നതിന് കാരണമാകന്നു. ഇതിലൂടെ 50 കിലാഗ്രാം മാസ്സ് ഉള്ള ഹൈ ഹീല്‍ ചെരിപ്പ് ധരിച്ച വ്യക്തിക്ക് 4000 കിലാ ഗ്രാം മാസ്സ് ഉള്ള ആന ഭുമിയില്‍ ചെലുത്തന്നതിനേക്കാള്‍ അധികം മര്‍ദ്ദം ചെലുത്താന്‍ കഴിയുന്നു. 

ഡെനിസോവന്മാർ

 

ബിസി 400,000 നും 48,000 നും ഇടയിൽ, ഡെനിസോവൻസ് എന്ന പുരാതന മനുഷ്യവർഗം ഏഷ്യയിലെ വലിയ പ്രദേശങ്ങളിൽ വസിച്ചിരുന്നു. ആഫ്രിക്കയിൽ നിന്ന്, പ്രത്യേകിച്ച് ദക്ഷിണേഷ്യൻ തീരപ്രദേശങ്ങളിൽ കുടിയേറുന്ന ആധുനിക മനുഷ്യരുമായി അവർ ഇടകലർന്നു.

2010-ൽ, സൈബീരിയയിലെ ഡെനിസോവ ഗുഹയിൽ നിന്നുള്ള അവശിഷ്ടങ്ങൾ ആദ്യത്തെ ജനിതക ലിങ്ക് നൽകി, ന്യൂ ഗിനിയയിൽ നിന്നുള്ള ഇന്നത്തെ ആളുകളുടെ ജീനോമുകളിൽ ഡെനിസോവൻ ഡിഎൻഎ കാണിക്കുന്നു, അവരുടെ ഡിഎൻഎയുടെ 4.8% വരെ ഈ ആദ്യകാല മനുഷ്യരിൽ നിന്നാണ്.

പാപ്പുവ ന്യൂ ഗിനിയ, ഓസ്‌ട്രേലിയ, ഫിലിപ്പീൻസ്, സമീപ ദ്വീപുകൾ എന്നിവിടങ്ങളിലെ തദ്ദേശീയരായ ജനസംഖ്യ 3-5% ഡെനിസോവൻ ഡിഎൻഎ വഹിക്കുന്നുണ്ടെന്ന് തുടർന്നുള്ള ഗവേഷണം വെളിപ്പെടുത്തി.

2014-ൽ, കൂടുതൽ കണ്ടെത്തലുകൾ ആധുനിക ടിബറ്റൻ, ഷെർപ്പ ജനസംഖ്യയിൽ ഡെനിസോവൻ്റെ വംശപരമ്പരയെ സ്ഥിരീകരിച്ചു, ഡെനിസോവൻ ജീനുകൾ ഉയർന്ന ഉയരത്തിലുള്ള ചുറ്റുപാടുകളിൽ അവരുടെ നിലനിൽപ്പിനെ സഹായിച്ചേക്കാം.

ആധുനിക മനുഷ്യർക്ക് കുറഞ്ഞ ഓക്സിജൻ സാഹചര്യങ്ങളെ നേരിടാൻ സഹായിച്ച ഈ അഡാപ്റ്റേഷനുകൾ, അങ്ങേയറ്റത്തെ ഭൂപ്രകൃതികളിൽ മനുഷ്യപരിണാമം രൂപപ്പെടുത്തുന്നതിൽ ഡെനിസോവൻ ജീനുകൾ വഹിച്ച പ്രധാന പങ്ക് കാണിക്കുന്നു.

പുതിയ തെളിവുകൾ ഉയർന്നുവരുമ്പോൾ, ആദ്യകാല മനുഷ്യ കുടിയേറ്റത്തെയും പൊരുത്തപ്പെടുത്തലിനെയും കുറിച്ചുള്ള നമ്മുടെ ഗ്രാഹ്യത്തിൽ ഡെനിസോവൻ്റെ സംഭാവന ആഴത്തിൽ തുടരുന്നു.

Journal Gondwana Research

 

237  മില്യൻ വർഷം പഴക്കമുള്ള പുരാതന ഉരഗത്തിന്റെ  ഫോസിൽ ദിനോസറിന്റെ ഉത്ഭവത്തെ കുറിച്ച് അറിവുകൾ നൽകുന്നതായി ബ്രസീലിലെ പാലിയൻറ്റോളജിസ്റ്റുകൾ പറയുന്നു. ഇപ്പോൾ സതേൺ ബ്രസീൽ എന്ന് അറിയപ്പെടുന്ന പ്രദേശത്ത് ജീവിച്ചിരുന്നതാണ് ഈ ചെറിയ ഉരഗം/small reptile/.

              Gondwanax paraisensis എന്ന പേരിലാണ് ഈ ചെറിയ ഉരഗത്തെ വിളിക്കുന്നത്. നാല് കാലുള്ള ഉരഗ സ്പീഷീസ് ഏകദേശം ചെറിയൊരു പട്ടിയുടെ അത്രയും വലിപ്പം ഉള്ളതാണ്. ഇതിന് നീളമുള്ള വാലുണ്ട്, ഏകദേശം ഒരു മീറ്റർ( 39 inches) നീളം. 3 മുതൽ 6 കിലോഗ്രാം വരെ ഭാരമുള്ളതാണ് ഇതെന്ന് ഗവേഷകർ പറയുന്നു.

              വംശനാശം സംഭവിച്ച ഒരു ഗ്രൂപ്പ് ഉരഗത്തിൽപ്പെട്ട new silesaurid ആണ്  ഇതെന്ന് ഫോസിലിൽ നിന്നും പാലിയൻറ്റോളജിസ്റ്റുകൾ തിരിച്ചറിഞ്ഞു. സിലിസൗറിഡെ/silesaurids/ ശരിക്കും ദിനോസർ ആണോ അല്ലെങ്കിൽ ഭൂമിയിൽ ഒരുകാലത്ത് ആധിപത്യം ചെലുത്തിയ മറ്റേതെങ്കിലും ജീവിയാണോ എന്ന തർക്കം പാലിയൻറ്റോളജിസ്റ്റുകൾക്കിടയിൽ നിലനിൽക്കുന്നു.

       252 മില്യൻ വർഷം പഴക്കമുള്ള ട്രിയാസ്സിക്ക് കാലഘട്ടത്തിലെ/ Triassic period/പാറയുടെ അടരിൽ/ rock layer/നിന്നാണ് ഫോസിൽ ലഭിച്ചത്. ദിനോസർ, സസ്തനികൾ, മുതലകൾ, തവളകൾ എന്നിവ ആദ്യമായി ഉദയം ചെയ്യുന്ന കാലഘട്ടത്തിലേതാണ് ഈ ഫോസിൽ.

      ഡോക്ടറായ പെഡ്രോ ലൂക്കാസ് പോർസെല്ല അരീലിയോ 2014ൽ ബ്രസീലിലെ പട്ടണമായ Rio Grande do Sul state നിന്നും ഫോസിൽ കണ്ടെത്തിയത്. 2021ൽ അദ്ദേഹം അത് പ്രാദേശിക യൂണിവേഴ്സിറ്റിക്ക് കൈമാറി. ഇതിനെകുറിച്ചുള്ള പഠനം ജേണൽ ഗോണ്ട്വാന റിസർച്ചിൽ പ്രസിദ്ധീകരിച്ചു/ Journal Gondwana Research /.

അപ്പോളോ 8: മനുഷ്യരാശിയുടെ ഒരു വലിയ കുതിച്ചുചാട്ടം

 

അപ്പോളോ 8 ലെ Crew Members ആയ ഫ്രാങ്ക് ബോർമാൻ, ജെയിംസ് ലോവൽ, വില്യം ആൻഡേഴ്‌സ് എന്നിവരാണ് ഈ ചരിത്ര പ്രാധാന്യമുള്ള ചിത്രത്തിൽ കാണുന്നത്.  

അപ്പോളോ 8 ദൗത്യം ചന്ദ്രയാത്രയിലെ ഒരു നിർണായക നാഴികക്കല്ലായിരുന്നു. മനുഷ്യനെ വിജയകരമായി ചന്ദ്രന്റെ ഭ്രമണപഥത്തിലെത്തിച്ച ആദ്യ ദൗത്യമായിരുന്നു ഇത്.

സാറ്റേൺ V റോക്കറ്റിന്റെ ആദ്യത്തെ മനുഷ്യയാത്രയായിരുന്നു അപ്പോളോ 8. ചന്ദ്രന്റെ ഉപരിതലം, ഗുരുത്വാകർഷണം എന്നിവയെക്കുറിച്ചുള്ള വിലപ്പെട്ട വിവരങ്ങൾ അപ്പോളോ 8 ശേഖരിച്ചു.

അപ്പോളോ 8 ദൗത്യം ചന്ദ്രയാത്രയുടെ ചരിത്രത്തിൽ ഒരു മറക്കാനാവാത്ത അധ്യായമാണ്.

ചന്ദ്രനൻ്റെ ഭ്രമണപഥത്തിൽ എത്തി ചന്ദ്രനെ വലം വയ്ക്കുകയും സുരക്ഷിതമായി ഭൂമിയിലേക്ക് മടങ്ങുകയും ചെയ്യുന്ന ആദ്യത്തെ ബഹിരാകാശ പേടകം ആയി അപ്പോളോ 8 ദൗത്യം.

അപ്പോളോ 8 ൻ്റെ ധീരമായ ദൗത്യത്തിന്  അപ്പോളോ 11 നെ വിജയകരമായി  ചന്ദ്രനിലിറങ്ങുന്നതിലേക്കും അതിലൂടെ മനുഷ്യനെ ചന്ദ്രനിൽ കാൽ കുത്തുന്നതിലേക്ക് നയിക്കാനും സാധിച്ചു.   

𝐇𝐨𝐚𝐠'𝐬 𝐎𝐛𝐣𝐞𝐜𝐭! -ഒരു അപൂർവ്വ താരാപഥം

 

ഭൂമിയിൽ നിന്ന് 𝟔𝟎 കോടി പ്രകാശവർഷം അകലെയുള്ള 𝐒𝐞𝐫𝐩𝐞𝐧𝐬 𝐜𝐨𝐧𝐬𝐭𝐞𝐥𝐥𝐚𝐭𝐢𝐨𝐧-ൽ സ്ഥിതി ചെയ്യുന്ന റിംഗ് രൂപത്തിലുള്ള അപൂർവ 𝐆𝐚𝐥𝐚𝐱𝐲-യാണ് 𝐇𝐨𝐚𝐠'𝐬 𝐎𝐛𝐣𝐞𝐜𝐭.

ഇതിൻ്റെ പ്രത്യേകത ഇതിൻ്റെ ആകൃതി തന്നെയാണ്. 𝐆𝐚𝐥𝐚𝐜𝐭𝐢𝐜 𝐜𝐞𝐧𝐭𝐫𝐞-ലെ ചുവന്ന നിറത്തിൽ കാണുന്ന കുറേ 𝐎𝐥𝐝 𝐬𝐭𝐚𝐫𝐬 ന് ചുറ്റും നീല നക്ഷത്രങ്ങൾ കൊണ്ടൊരു വളയം, അതിനിടയിൽ ഒരു വിടവും. അതുകൊണ്ടാണ് ഇതിനെ 𝐑𝐢𝐧𝐠 𝐠𝐚𝐥𝐚𝐱𝐲 എന്ന് വിളിക്കുന്നത്.

𝟏𝟎,𝟎𝟎𝟎 ഗാലക്സികളിൽ ഒന്ന് എന്ന നിരക്കിൽ മാത്രമേ 𝐑𝐢𝐧𝐠 𝐠𝐚𝐥𝐚𝐱𝐲-കൾ കാണപ്പെടാറുള്ളൂ! ഇതിൻ്റെ 𝐑𝐢𝐧𝐠 അത്യാവശ്യം പരിപൂർണ്ണവൃത്തം ആയതുകൊണ്ട് ഇതുവരെ കണ്ടെത്തപ്പെട്ടതിൽ 𝐏𝐞𝐫𝐟𝐞𝐜𝐭 𝐫𝐢𝐧𝐠 𝐠𝐚𝐥𝐚𝐱𝐲 ഇതാണെന്ന് പറയാം.

𝐀𝐫𝐭𝐡𝐮𝐫 𝐇𝐨𝐚𝐠 എന്ന 𝐀𝐬𝐭𝐫𝐨𝐧𝐨𝐦𝐞𝐫 𝟏𝟗𝟓𝟎-ലാണ് ഇത് കണ്ടെത്തുന്നത്. ഇത് അദ്ദേഹം ആദ്യമായി പ്രഖ്യാപിക്കുമ്പോൾ, ഈ വളയ രൂപത്തിന് കാരണം, 𝐀𝐥𝐛𝐞𝐫𝐭 𝐄𝐢𝐧𝐬𝐭𝐞𝐢𝐧 പ്രസിദ്ധപ്പെടുത്തിയ 𝐓𝐡𝐞𝐨𝐫𝐲 𝐨𝐟 𝐫𝐞𝐥𝐚𝐭𝐢𝐯𝐢𝐭𝐲 മുന്നോട്ട് വെച്ച, 𝐆𝐫𝐚𝐯𝐢𝐭𝐚𝐭𝐢𝐨𝐧𝐚𝐥 𝐋𝐞𝐧𝐬𝐢𝐧𝐠 ആയിരിക്കാമെന്നാണ് അദ്ദേഹം നിർദ്ദേശിച്ചത്.

എന്നാൽ, 𝐆𝐚𝐥𝐚𝐜𝐭𝐢𝐜 𝐜𝐞𝐧𝐭𝐫𝐞-നും വളയത്തിനും ഒരേ 𝐑𝐞𝐝𝐬𝐡𝐢𝐟𝐭 കാണിക്കുന്നു എന്ന് തിരിച്ചറിഞ്ഞതോടെ 𝐋𝐞𝐧𝐬𝐢𝐧𝐠 𝐞𝐟𝐟𝐞𝐜𝐭 അല്ല എന്ന് പിന്നീട് തിരിച്ചറിഞ്ഞു.

എങ്ങനെയായിരിക്കാം ഇത്തരത്തിൽ ഒരു 𝐆𝐚𝐥𝐚𝐱𝐲 രൂപപ്പെട്ടിട്ടുണ്ടാവുക?

ഒരു വലിയ ഗാലക്സിയുടെ കേന്ദ്രത്തിലൂടെ ഒരു ചെറിയ ഗാലക്സി കടന്നുപോകുമ്പോൾ ഇതുപോലൊന്ന് രൂപപ്പെടാം എന്ന് നമുക്കറിയാം. മാത്രമല്ല ഈ ലയനം, വലിയ ഗാലക്സിയിൽ വലിയ തോതിൽ പുതിയ നക്ഷത്രങ്ങൾ ജനിക്കുന്നതിന് കാരണമാകും. അതുകൊണ്ടാണ് 𝐘𝐨𝐮𝐧𝐠 𝐬𝐭𝐚𝐫𝐬 കൂടുതൽ കാണപ്പെടുന്നതും! ഇത് നമ്മുടെ അനുമാനത്തെ ശരിവെക്കുന്നതാണ്.

എന്നാൽ, 𝐇𝐨𝐚𝐠'𝐬 𝐎𝐛𝐣𝐞𝐜𝐭-ൻ്റെ കാര്യത്തിൽ 𝐆𝐚𝐥𝐚𝐱𝐲-കൾ തമ്മിൽ ലയിച്ചതിന് കൂടുതൽ തെളിവുകൾ ലഭിച്ചിട്ടില്ല എന്നത് ശ്രദ്ധേയമാണ്! ഒരു പക്ഷെ ഇത്തരമൊരു ഗാലക്സിയെ ഒരുക്കിയെടുക്കുന്നതിന് പ്രപഞ്ചം മറ്റേതെങ്കിലും മാർഗ്ഗം സ്വീകരിച്ചിരിക്കാം!

𝐎𝐁𝐒𝐄𝐑𝐕𝐀𝐁𝐋𝐄 𝐔𝐍𝐈𝐕𝐄𝐑𝐒𝐄 / നിരീക്ഷണത്തിനും പരിധി?

 

പ്രപഞ്ചത്തിൻ്റെ യഥാർത്ഥ വലിപ്പമെന്തെന്ന് സത്യത്തിൽ നമുക്കറിയില്ലെങ്കിലും നിരീക്ഷിക്കുന്നതിന് ഒരു പരിധിയുണ്ടെന്ന് ഇന്ന് നമുക്കറിയാം.

എന്തുകൊണ്ടാണാ നിരീക്ഷണ പരിധി?

പ്രപഞ്ചം വികസിക്കുകയാണെന്ന് നമുക്കറിയാം. വെറും വികാസമല്ല 𝐀𝐜𝐜𝐞𝐥𝐞𝐫𝐚𝐭𝐞𝐝 𝐄𝐱𝐩𝐚𝐧𝐬𝐢𝐨𝐧 കൂടിയാണത്. നാം വസ്തുക്കളെ കാണുന്നത് പ്രകാശം ഉപയോഗിച്ചാണ്. പ്രകാശം നമ്മിലേക്ക് എത്തിയെങ്കിൽ മാത്രമേ കാഴ്ച സാധ്യമാകൂ.. എന്നാൽ എത്തിയില്ലെങ്കിലോ?!!

എത്തിയില്ലെങ്കിൽ കാഴ്ച സാധ്യമാകില്ല അത്രതന്നെ! അതായത് പ്രപഞ്ചം അവിടെയുണ്ട് പക്ഷേ നിരീക്ഷണം സാധ്യമല്ല!!

പ്രപഞ്ചത്തിൽ 'പരമാവധി വേഗത' എന്ന ഒരു വേഗതാ പരിധി നിലനിൽക്കുന്നുണ്ട് എന്നായിരുന്നു തൻ്റെ 𝐑𝐞𝐥𝐚𝐭𝐢𝐯𝐢𝐭𝐲 𝐭𝐡𝐞𝐨𝐫𝐲-യിലൂടെ ഐൻസ്റ്റൈൻ സമർത്ഥിച്ചത്.

അതായത്, സെക്കൻ്റിൽ 𝟑 ലക്ഷം 𝐤𝐦 എന്ന ഈ വേഗതാ പരിധിയേക്കാൾ വേഗത്തിൽ പ്രകാശമുൾപ്പെടെ ഒരു 𝐈𝐧𝐟𝐨𝐫𝐦𝐚𝐭𝐢𝐨𝐧-നും സഞ്ചരിക്കില്ല!

വികസിക്കുന്ന പ്രപഞ്ചത്തിൽ, ഗാലക്സികൾ നമ്മിൽ നിന്നും അകലുന്നതിൻ്റെ വേഗത, വികാസത്തിൻ്റെ സ്വഭാവമനുസരിച്ചും, പ്രപഞ്ചത്തിൻ്റെ വലിപ്പമനുസരിച്ചും എത്രവേണമെങ്കിലുമാകാം!! എന്നാൽ അതിൽ നിന്നും പുറപ്പെടുന്ന പ്രകാശം നമ്മിലേക്കെത്തുന്നതിന് ഒരു ദൂരപരിധിയുണ്ടെന്നാണ് ഇതിനർത്ഥം!! ഈ പരിധിക്കുള്ളിലെ പ്രപഞ്ചത്തെയാണ് നാം 𝐎𝐛𝐬𝐞𝐫𝐯𝐚𝐛𝐥𝐞 𝐔𝐧𝐢𝐯𝐞𝐫𝐬𝐞 എന്ന് വിളിക്കുന്നത്.

രസകരമായ കാര്യമെന്തെന്നാൽ, പ്രപഞ്ചത്തിൻ്റെ ആദ്യ കാലങ്ങളിൽ സ്വതന്ത്രമാക്കപ്പെട്ട പ്രകാശം മുഴുവനും ഇനിയും നമ്മിലേക്ക് എത്തിയിട്ടില്ല! എന്നാൽ എത്തിക്കൊണ്ടിരിക്കുന്നുണ്ട്! എത്താത്തതിൻ്റെ കാരണമാണ് മുകളിൽ വിവരിച്ചത്. 𝐂𝐌𝐁𝐑 (Cosmic Microwave Background Radiation ) എന്നു വിളിക്കപ്പെടുന്ന ഈ പ്രകാശത്തെ ഭാവിയിലെ ഒരോ നിമിഷവും ഓരോ വർഷവും നാമത് സ്വീകരിച്ചു കൊണ്ടേയിരിക്കും!

മറ്റൊരു രസകരമായ വിഷയം,

𝐎𝐛𝐬𝐞𝐫𝐯𝐚𝐛𝐥𝐞 𝐔𝐧𝐢𝐯𝐞𝐫𝐬𝐞-ൻ്റെ വ്യാസം 𝟗,𝟑𝟎𝟎 കോടി പ്രകാശവർഷമാണ്. ഇതിനർത്ഥം ഒരു നിരീക്ഷകന് തനിക്ക് ചുറ്റുമുള്ള 𝟒,𝟔𝟓𝟎 കോടി പ്രകാശവർഷം വരെയുള്ള വസ്തുക്കളെ കാണാമെന്നാണ്.

എന്നാൽ, പ്രപഞ്ചത്തിന് വെറും 𝟏,𝟑𝟖𝟐 കോടി വർഷം പഴക്കമേയുള്ളൂ!!

ഈ വിചിത്രതക്കു കാരണം, വസ്തുക്കളിൽ നിന്നുള്ള പ്രകാശം സ്ഥിരവേഗത്തിലാണ് സഞ്ചരിക്കുന്നതെങ്കിലും, പ്രപഞ്ചവികാസം കാരണം അവയിലേക്കുള്ള ദൂരം 𝐒𝐭𝐫𝐞𝐭𝐜𝐡 ചെയ്യപ്പെടുന്നു എന്നത് കൊണ്ടാണ്!!

ഭൂമിക്ക് കുറുകെ തുരങ്കമുണ്ടെങ്കിൽ, എത്ര സമയം കൊണ്ട് മറുപുറത്തെത്താം?

 

ഭൂമിയുടെ ഒരു ഭാഗത്തുനിന്നും മറുഭാഗം വരെ ഒരു തുരങ്കമുണ്ടാക്കി, അതിലേക്ക് ഒരാൾ ചാടുകയാണെന്ന് സങ്കൽപ്പിച്ചാൽ അയാൾ എത്ര സമയം കൊണ്ട് മറുഭാഗത്തെത്തും? ഈ സാങ്കൽപ്പിക തുരങ്കമൊരു 𝐅𝐫𝐢𝐜𝐭𝐢𝐨𝐧𝐥𝐞𝐬𝐬 𝐭𝐮𝐧𝐧𝐞𝐥 ആണെന്ന് കൂടി സങ്കൽപ്പിക്കണം! അതായത് 𝐕𝐚𝐜𝐮𝐮𝐦 ചെയ്ത തുരങ്കം!

അയാൾ കേന്ദ്രത്തിലേക്ക് 𝟗.𝟖𝐦𝐞𝐭𝐞𝐫/𝐬𝐞𝐜 എന്ന വേഗതാ നിരക്കിൽ വീണുകൊണ്ടിരിക്കും!

എന്തുകൊണ്ടെന്നാൽ... ഭൂമിയുടെ ആരം, പിണ്ഡം എന്നിവയെ അടിസ്ഥാനമാക്കിയുള്ള 𝐍𝐞𝐰𝐭𝐨𝐧-ൻ്റെ 𝐔𝐧𝐢𝐯𝐞𝐫𝐬𝐚𝐥 𝐆𝐫𝐚𝐯𝐢𝐭𝐚𝐭𝐢𝐨𝐧 𝐋𝐚𝐰 അനുസരിച്ചാണ് ഈ കണക്ക്! ഭൂമിയുടെ ആരത്തിലാണ് 𝟗.𝟖𝐦/𝐬 ത്വരണം അനുഭവപ്പെടുക! തുരങ്കത്തിലൂടെ ചലിക്കുമ്പോൾ, ആരത്തിൽ മാറ്റം വരുമല്ലോ! സ്വഭാവികമായും ത്വരണത്തിലും മാറ്റം വരും!

വീഴ്ചയിൽ, ഓരോ സെക്കൻ്റിലും വേഗത വർധിക്കുമെങ്കിലും, അയാളിൽ അനുഭവപ്പെടുന്ന 𝐆𝐫𝐚𝐯𝐢𝐭𝐲 കുറഞ്ഞു കൊണ്ടിരിക്കും!

പരമാവധി വേഗതയെത്തുമ്പോൾ ആയാൾ കേന്ദ്രത്തിൽ ആയിരിക്കും! എന്നാലവിടെ 𝐆𝐫𝐚𝐯𝐢𝐭𝐲 പൂജ്യമായിരിക്കും!

നിലവിലുള്ള 𝐊𝐢𝐧𝐞𝐭𝐢𝐜 𝐞𝐧𝐞𝐫𝐠𝐲 മൂലം അയാൾ കേന്ദ്രം കടന്ന് 𝐆𝐫𝐚𝐯𝐢𝐭𝐲-ക്ക് എതിർ ദിശയിലേക്ക് സഞ്ചരിക്കും! അതുകൊണ്ട് ഇനിയങ്ങോട്ട് വീഴ്ച എന്ന് പറയാനാകില്ല, ഭൂമിയുടെ കേന്ദ്രത്തിൽ നിന്ന് ഉപരിതലത്തിലേക്ക് വരുന്നത് വീഴ്ചയല്ലല്ലോ!

കേന്ദ്രം കടന്നതുമുതൽ, അയാളിലുള്ള 𝐊𝐢𝐧𝐞𝐭𝐢𝐜 𝐞𝐧𝐞𝐫𝐠𝐲-ക്ക് എതിരായി 𝐆𝐫𝐚𝐯𝐢𝐭𝐲 പ്രവർത്തിക്കുന്നത് കൊണ്ട്, 𝐊𝐢𝐧𝐞𝐭𝐢𝐜 𝐞𝐧𝐞𝐫𝐠𝐲- യും, തന്മൂലം വേഗതയും കുറഞ്ഞു വരും. എങ്കിലും അയാളിലുള്ള 𝐄𝐧𝐞𝐫𝐠𝐲, ഭൂമിയുടെ മറുഭാഗത്തിന്റെ അരിക് വരെയെത്താൻ മാത്രമുണ്ടാകും!

അതിന് ശേഷം 𝐆𝐫𝐚𝐯𝐢𝐭𝐲-ക്ക് മുൻതൂക്കം ലഭിക്കുന്നതുകൊണ്ട്, അയാൾ വീണ്ടും കേന്ദ്രത്തിലേക്ക് തന്നെ വീഴും, ഇതാവർത്തിക്കും. പഴയതരം 𝐂𝐥𝐨𝐜𝐤-കളിലെ 𝐏𝐞𝐧𝐝𝐮𝐥𝐚𝐦 പോലെ!

ഇങ്ങനെ 𝟒𝟐 മിനിറ്റും, 𝟏𝟐 സെക്കന്റുമെടുത്ത് അയാൾക്ക് ഭൂമിയുടെ വ്യാസദൂരം സഞ്ചരിക്കാനാകും!

ഏതാണ്ട് മുക്കാൽ മണിക്കൂർ മാത്രം!!

ഇനി അയാൾക്കൊപ്പമുണ്ടായിരുന്ന പൂച്ചയെയും തുരങ്കത്തിലിട്ടാലോ..!!

തീർച്ചയായും പൂച്ചയും ഇതേ സമയം കൊണ്ടുതന്നെ മറുപുറത്തേത്തും!

നീറോയും ബെർത്തയും

 

ഞാൻ ഇവിടെ പറയാൻ പോകുന്ന ബെർത്ത നൂലു നൂല്ക്കുന്ന ഒരു പാവപ്പെട്ട സ്ത്രീയായിരുന്നു; അവർക്കതിൽ നല്ല വൈദഗ്ധ്യവും ഉണ്ടായിരുന്നു.

ഒരിക്കൽ, നടന്നുപോകും വഴി അവർ റോമൻ ചക്രവർത്തിയായ നീറോയെ കണ്ടുമുട്ടാനിടയായി. അയാളോട് അവർ പറഞ്ഞു, “ദൈവം അങ്ങയ്ക്ക് ഒരായിരം കൊല്ലം ജീവിക്കാനുള്ള ആയുസ്സ് നല്കുമാറാകട്ടെ!”

ഒരു മനുഷ്യജീവിക്കും സഹിക്കാൻ പറ്റാത്ത വിധം അത്ര ഹീനനായ നീറോയ്ക്ക് ഒരായിരം കൊല്ലത്തെ ആയുസ്സ് തനിക്കാശംസിക്കുന്ന ഒരാളെക്കണ്ടപ്പോൾ വല്ലാത്ത അത്ഭുതമായി. അയാൾ ആ സ്ത്രീയോടു ചോദിച്ചു, “നിങ്ങൾ അങ്ങനെ എന്നോടു പറഞ്ഞതെന്തിനാണ്‌, സ്ത്രീയേ?”

“കാരണം, കൊള്ളരുതാത്ത ഒരാൾക്കു പിന്നാലെ വരുന്നയാൾ അതിലും കൊള്ളരുതാത്തയാൾ ആയിരിക്കുമല്ലോ.”

നീറോ അപ്പോൾ പറഞ്ഞു, “അതു നന്നായി, ഈ സമയം മുതൽ നാളെ രാവിലെ വരെ നൂല്ക്കുന്ന നൂലെല്ലാം എന്റെ കൊട്ടാരത്തിലേക്കു കൊണ്ടുവരിക.” എന്നിട്ടയാൾ പോവുകയും ചെയ്തു.

നൂലു നൂറ്റുകൊണ്ടിരിക്കുമ്പോൾ ബെർത്ത സ്വയം ചോദിച്ചു, “ഞാൻ നൂല്ക്കുന്ന നൂലു കൊണ്ട് അയാൾ എന്തായിരിക്കും ചെയ്യാൻ പോകുന്നത്? അത് കൊണ്ട് അയാൾ എന്നെ കെട്ടിത്തൂക്കിയാലും എനിക്കത്ഭുതം തോന്നില്ല. ആ ആരാച്ചാർ എന്തും ചെയ്യും!”

അടുത്ത ദിവസം കൃത്യസമയത്തുതന്നെ അവർ കൊട്ടാരത്തിൽ ഹാജരായി. അയാൾ അവരെ അകത്തേക്കു ക്ഷണിച്ച് അവർ കൊണ്ടുവന്ന നൂല്ക്കെട്ട് ഏറ്റുവാങ്ങി; എന്നിട്ടു പറഞ്ഞു,“ നൂല്ക്കഴിയുടെ ഒരറ്റം കൊട്ടാരവാതിലിൽ കെട്ടിയിട്ട് നൂലു തീരുന്ന ദൂരം വരെ നടക്കുക.“ എന്നിട്ടയാൾ കാര്യക്കാരനെ വിളിച്ചു പറഞ്ഞു, ”ഈ നൂലിന്റെ നീളത്തോളം വഴിയുടെ ഇരുവശവുമുള്ള സ്ഥലം ഈ സ്ത്രീക്കുള്ളതാണ്‌.“

ബെർത്ത അയാൾക്കു നന്ദിയും പറഞ്ഞ് അതീവസന്തോഷത്തോടെ നടന്നു. അന്നു മുതൽ അവർക്ക് നൂല്ക്കേണ്ടിയും വന്നില്ല; കാരണം അവർ ഒരു പ്രഭ്വി ആയിക്കഴിഞ്ഞല്ലോ.

റോമാനഗരത്തിൽ ഈ വാർത്ത പരക്കേണ്ട താമസം പാവപ്പെട്ട സ്ത്രീകളെല്ലാം നീറോയെ കാണാൻ ചെന്നു; അയാൾ ബെർത്തയ്ക്കു കൊടുത്ത പാരിതോഷികം തങ്ങൾക്കും കിട്ടുമെന്നായിരുന്നു അവരുടെ പ്രതീക്ഷ.

എന്നാൽ നീറോയുടെ മറുപടി ഇതായിരുന്നു, ”ബെർത്ത നൂലു നൂറ്റിരുന്ന ആ പഴയ നല്ല കാലം കഴിഞ്ഞുപോയല്ലോ.“

- ഇറ്റാലോ കാൽവിനോ

ലോകത്തെ അവസാനത്തെ രാത്രി

 

“ഇതാണ്‌ ലോകത്തെ അവസാനരാത്രി എന്നറിഞ്ഞിരുന്നെങ്കിൽ നീ എന്തു ചെയ്യുമായിരുന്നു?”

“ഞാൻ എന്തു ചെയ്യുമെന്ന്; കാര്യമായിട്ടു തന്നെയാണോ ചോദിക്കുന്നത്?”

“അതെ, കാര്യമായിട്ടു തന്നെ.”

“അറിയില്ല- ഞാൻ ആലോചിച്ചിട്ടില്ല.” അവർ വെള്ളി കൊണ്ടുള്ള കാപ്പിപ്പാത്രത്തിന്റെ പിടി അയാളുടെ നേർക്കു തിരിച്ചുവച്ചിട്ട് കപ്പുകൾ രണ്ടും അവയുടെ സോസറുകളിൽ വച്ചു.

അയാൾ കാപ്പി പകർന്നു. പിന്നിൽ, പൂമുഖത്തെ പച്ച ഹരിക്കെയ്ൻ വിളക്കിന്റെ വെളിച്ചത്തിൽ രണ്ടു കൊച്ചുപെൺകുട്ടികൾ ബ്ലോക്കുകൾ കൊണ്ടു കളിക്കുകയായിരുന്നു.

“അപ്പോൾ നമുക്ക് അതിനെക്കുറിച്ചു ചിന്തിക്കാൻ തുടങ്ങിയാലോ?” അയാൾ പറഞ്ഞു.

“കാര്യമായിട്ടു പറയുകയല്ലല്ലോ?” അയാളുടെ ഭാര്യ ചോദിച്ചു.

അതേയെന്ന അർത്ഥത്തിൽ അയാൾ തലയാട്ടി.

“യുദ്ധം?”

അയാൾ തല കുലുക്കി.

“ഹൈഡ്രജൻ ബോംബും ആറ്റം ബോംബുമല്ലല്ലോ?”

“അല്ല.”

“രോഗാണുക്കളെക്കൊണ്ടുള്ള യുദ്ധം?”

“അതൊന്നുമല്ല,” സാവാധാനം കാപ്പി ഇളക്കിക്കൊണ്ട് അതിന്റെ ഇരുണ്ട ആഴങ്ങളിലേക്കു നോക്കി അയാൾ പറഞ്ഞു. “വേണമെങ്കിൽ ഒരു പുസ്തകം വായിച്ചടയ്ക്കുന്നപോലെ എന്നു പറയാം.”

“എനിക്കൊന്നും മനസ്സിലാകുന്നില്ല.”

“ഇല്ല, ശരിക്കു പറഞ്ഞാൽ എനിക്കും മനസ്സിലാകുന്നില്ല. ഇത് വെറുമൊരു തോന്നലാണ്‌; ചിലപ്പോൾ എനിക്കു പേടി തോന്നും, ചിലപ്പോൾ എനിക്കൊരു പേടിയും തോന്നുകയില്ല- സമാധാനമാണു തോന്നുക.” അയാൾ പെൺകുട്ടികളെയും പ്രദീപ്തമായ വിളക്കുവെട്ടത്തിൽ തിളങ്ങുന്ന അവരുടെ മഞ്ഞമുടിയും ഒന്നു കണ്ണോടിച്ചുനോക്കിയിട്ട് ഒച്ച താഴ്ത്തി. “ഞാനിതുവരെ നിന്നോടു പറഞ്ഞിരുന്നില്ല. നാലു രാത്രി മുമ്പാണ്‌ ഇതാദ്യം ഉണ്ടായത്.”

“ഏത്?”

“ഞാൻ കണ്ട ഒരു സ്വപ്നം. എല്ലാം അവസാനിക്കാൻ പോവുകയാണെന്ന് ഞാൻ സ്വപ്നം കണ്ടു; ഒരു സ്വരം അങ്ങനെ പറയുകയും ചെയ്തു. എനിക്കോർമ്മയുള്ള ഒരു സ്വരവുമായിരുന്നില്ല അത്, എന്നാലും ആരുടെയോ ശബ്ദമായിരുന്നു. ഈ ഭൂമിയിൽ കാര്യങ്ങൾ അവസാനിക്കാൻ പോവുകയാണെന്ന് അതു പറഞ്ഞു. കാലത്തെഴുന്നേല്ക്കുമ്പോൾ ഞാനതിനെക്കുറിച്ച് കാര്യമായിട്ടൊന്നും ചിന്തിക്കാൻ പോയില്ല; പിന്നെ ഞാൻ ജോലിക്കു പോയി; പക്ഷേ ആ ചിന്ത പകലു മുഴുവൻ മനസ്സിലുണ്ടായിരുന്നു. ഉച്ച തിരിഞ്ഞപ്പോൾ സ്റ്റാൻ വിൽസ് ജനാലയിലൂടെ പുറത്തേക്കു നോക്കി ഇരിക്കുന്നത് ഞാൻ കണ്ടു. ‘എന്താണിത്ര ചിന്തിക്കാൻ?’ ഞാൻ ചോദിച്ചു. ‘ഇന്നലെ രാത്രിയിൽ ഞാനൊരു സ്വപ്നം കണ്ടു,’ അയാൾ പറയുന്നതിനു മുമ്പേ ആ സ്വപ്നം എന്താണെന്ന് എനിക്കറിയാമായിരുന്നു. എനിക്കു വേണമെങ്കിൽ അതയാളോടു പറയാമായിരുന്നു; ഞാൻ പറഞ്ഞില്ല, അയാൾ പറഞ്ഞത് ഞാൻ കേട്ടുകൊണ്ടിരുന്നു.”

“അതേ സ്വപ്നം തന്നെയായിരുന്നു?”

“അതെ. അതേ സ്വപ്നം ഞാനും കണ്ടിരുന്നുവെന്ന് ഞാൻ സ്റ്റാനിനോടു പറഞ്ഞു. അയാളതിൽ അത്ഭുതമൊന്നും കാണിച്ചില്ല. ശരിക്കു പറഞ്ഞാൽ അയാൾക്കാശ്വാസമായപോലെയാണ്‌ തോന്നിയത്. പിന്നെ ഞങ്ങൾ ഓഫീസുകൾ മുഴുവൻ കയറിയിറങ്ങാൻ തുടങ്ങി, വെറുതേ ഒരു രസത്തിന്‌. അങ്ങനെ പ്ലാൻ ചെയ്തിട്ടൊന്നുമല്ല. നമുക്കൊന്നു നടന്നിട്ടുവരാം, എന്നൊന്നും ഞങ്ങൾ പറഞ്ഞില്ല. ഞങ്ങളങ്ങു നടന്നു, അത്രതന്നെ; എവിടെയും ഞങ്ങൾ കണ്ടത് ആളുകൾ അവരുടെ മേശയിലോ തങ്ങളുടെ കൈകളിലോ അല്ലെങ്കിൽ ജനാലയിലൂടെ പുറത്തേക്കോ നോക്കി ഇരിക്കുന്നതാണ്‌; കണ്ണുകൾക്കു മുന്നിലുള്ളത് അവർ കാണുന്നുമുണ്ടായിരുന്നില്ല. ചിലരോടു ഞാൻ സംസാരിക്കാൻ നിന്നു; അതുപോലെ സ്റ്റാനും.“

”എല്ലാവരും ആ സ്വപ്നം കണ്ടിരുന്നോ?“

”എല്ലാവരും കണ്ടു. അതേ സ്വപ്നം, ഒരു മാറ്റവുമില്ലാതെ.“

”ആ സ്വപ്നം കണ്ടിട്ടു നിങ്ങൾക്കു വിശ്വസിക്കാൻ തോന്നിയോ?“

”ഉവ്വ്. മുമ്പൊരിക്കലും എനിക്ക് ഇത്ര വിശ്വാസം വന്നിട്ടില്ല.“

”എപ്പോഴാണ്‌ അതു നിലയ്ക്കുക? അതായത്, ലോകം?“

”നമുക്കത് രാത്രിയിൽ എപ്പോഴെങ്കിലുമായിരിക്കും; പിന്നെ, രാത്രി ലോകത്തിന്റെ ഓരോ ഭാഗവുമെത്തുമ്പോൾ ആ ഭാഗവും പോകും. എല്ലാം പോയിത്തീരാൻ ഇരുപത്തിനാലു മണിക്കൂറെടുക്കും.“

കാപ്പിയിൽ തൊടാതെ അവർ അല്പനേരം ഇരുന്നു. പിന്നെ അവരത് സാവധാനമെടുത്ത് പരസ്പരം നോക്കിക്കൊണ്ട് കുടിക്കാൻ തുറങ്ങി.

”നാമിതർഹിക്കുന്നുണ്ടോ?“ ഭാര്യ ചോദിച്ചു.

“ഇതിൽ അർഹതയുടെ കാര്യമൊന്നുമില്ല; വിചാരിച്ചപോലെയല്ല നടന്നതെന്നു മാത്രം. ഇക്കാര്യത്തിൽ നീ തർക്കിക്കാൻ പോലും വന്നില്ല എന്നു ഞാൻ ശ്രദ്ധിച്ചു. എന്തുകൊണ്ടാണത്?”

”അതിനൊരു കാരണമുണ്ടെന്നു തോന്നുന്നു,“ അവർ പറഞ്ഞു.

”ഓഫീസിലുള്ളവർ പറഞ്ഞ അതേ കാരണം?“

അവർ തലയാട്ടി. “എനിക്കതു പറയാൻ തോന്നിയില്ല. ഇന്നലെ രാത്രിയിലാണ്‌ അതു സംഭവിച്ചത്. ഈ ബ്ലോക്കിലെ പെണ്ണുങ്ങൾ അതിനെക്കുറിച്ചാണ്‌ സംസാരിക്കുന്നത്, അതും തമ്മിൽത്തമ്മിൽ മാത്രം.” അവർ സായാഹ്നപത്രമെടുത്ത് അയാളുടെ നേർക്കു നീട്ടി. “ ഇതിൽ അതിനെക്കുറിച്ച് ഒരു വാർത്തയും ഇല്ല.”

”ഇല്ല. എല്ലാവർക്കും അറിയാം, പിന്നെ അതിന്റെ ആവശ്യമെന്താ?“ അയാൾ പത്രമെടുത്തിട്ട് കസേരയിൽ ചാരിയിരുന്നു. എന്നിട്ടയാൾ കുട്ടികളേയും പിന്നെ അവരെയും നോക്കി. ”നിനക്കു പേടി തോന്നുന്നുണ്ടോ?“

”ഇല്ല, കുട്ടികളുടെ കാര്യമോർത്തിട്ടുപോലും പേടിയില്ല. ഞാൻ പേടിച്ചു മരിച്ചുപോകുമെന്നായിരുന്നു എന്റെ ചിന്തയെങ്കിലും ഇല്ല, എനിക്കൊരു പേടിയും തോന്നുന്നില്ല.“

”ശാസ്ത്രജ്ഞന്മാർ അത്രയൊക്കെ പറഞ്ഞിട്ടുള്ള ആത്മരക്ഷയ്ക്കുള്ള വാസനയൊക്കെ എവിടെപ്പോയി?“

“എനിക്കെങ്ങനെ അറിയാൻ? കാര്യങ്ങൾ യുക്തിക്കനുസരിച്ചാണു നടക്കുന്നതെന്നു തോന്നിയാൽ നമ്മുടെ മനസ്സ് വല്ലാതിളകില്ല. ഇത് യുക്ത്യനുസരിച്ചാണ്‌. നാം ജീവിച്ച രീതി വച്ചു നോക്കിയാൽ ഇതല്ലാതെ മറ്റൊന്നും സംഭവിക്കാനും പാടില്ല.”

”നമ്മൾ അത്രയ്ക്കു മോശമായിരുന്നില്ലല്ലോ, അല്ലേ?“

”അല്ല, അത്രയ്ക്കു നല്ലവരുമായിരുന്നില്ല. അതാണു പ്രശ്നമെന്ന് എനിക്കു തോന്നുന്നു. നമ്മൾ നമ്മളായിരുന്നു എന്നല്ലാതെ എന്തിന്റെയെങ്കിലും ഒന്നുമായിരുന്നില്ല; അതേ സമയം ലോകത്തിന്റെ വലിയൊരു ഭാഗമാകട്ടെ, തീർത്തും അരോചകമായ പലതുമാകുന്ന തിരക്കിലുമായിരുന്നു.“

വരാന്തയിൽ കുട്ടികൾ ബ്ളോക്കുകൾ കൊണ്ടുള്ള വീട് തട്ടിമറിച്ചിട്ടിട്ട് കൈകൾ വീശി ചിരിക്കുകയായിരുന്നു.

”ഇങ്ങനെയുള്ള ഒരു സമയത്ത് ആളുകൾ തെരുവുകളിലൂടെ അലറിക്കരഞ്ഞുകൊണ്ടോടുമെന്നായിരുന്നു ഞാനെന്നും വിചാരിച്ചിരുന്നത്.“

”അങ്ങനെയാവില്ല എന്നാണ്‌ എന്റെ ഊഹം. ശരിക്കുള്ള കാര്യങ്ങളിൽ ആരും അലറിക്കരയാറില്ല.“

”നിങ്ങളേയും കുട്ടികളേയും ഓർത്തല്ലാതെ എനിക്കു നഷ്ടബോധമൊന്നും ഉണ്ടാകില്ല, അറിയാമോ? നിങ്ങൾ മൂന്നുപേരുമല്ലാതെ നഗരങ്ങളോ കാറുകളോ ഫാക്ടറികളോ എന്റെ ജോലിയോ ഒന്നും എനിക്കിഷ്ടമായിരുന്നില്ല. എനിക്കു യാതൊന്നും നഷ്ടപ്പെടാനില്ല, എന്റെ കുടുംബമല്ലാതെ; വേണമെങ്കിൽ കാലാവസ്ഥയുടെ ഒരു മാറ്റമോ ചൂടുകാലത്ത് ഒരു ഗ്ലാസ് തണുത്ത വെള്ളമോ അല്ലെങ്കിൽ ഉറക്കം എന്ന ധാരാളിത്തമോ പറയാം. ശരിക്കു നോക്കിയാൽ കുഞ്ഞുകാര്യങ്ങൾ. ഇവിടെ ഇങ്ങനെയിരുന്ന് ഈ മട്ടിൽ സംസാരിക്കാൻ നമുക്കെങ്ങനെ പറ്റുന്നു?“

”നമുക്കു വേറൊന്നും ചെയ്യാനില്ലാത്തതിനാൽ.“

“അതെയതെ; എന്തെങ്കിലും ഉണ്ടായിരുന്നെങ്കിൽ നാം അതു ചെയ്യുമായിരുന്നു. ലോകചരിത്രത്തിൽ ഇതാദ്യമായിട്ടായിരിക്കും തലേ രാത്രിയിൽ തങ്ങൾ എന്തു ചെയ്യാൻ പോവുകയായിരുന്നു എന്ന് ആളുകൾക്ക് ശരിക്കും മനസ്സിലാകുന്നത് എന്നെനിക്കു തോന്നുന്നു.”

“ഈ രാത്രിയിൽ, അടുത്ത കുറച്ചു മണിക്കൂർ നേരത്തേക്ക്, മറ്റുള്ളവരെല്ലാം എന്തായിരിക്കും ചെയ്യാൻ പോകുന്നത്?”

”തിയേറ്ററിൽ പോവുക, റേഡിയോ കേൾക്കുക, റ്റീ വി കാണുക, ചീട്ടു കളിക്കുക, കുട്ടികളെ കിടത്തിയുറക്കുക, അവരും ഉറങ്ങാൻ നോക്കുക, അതൊക്കെത്തന്നെ, എന്നത്തെയും പോലെ.“

”ഒന്നാലോചിച്ചാൽ അതിൽ അഭിമാനിക്കുകയും ചെയ്യാം- എന്നത്തെയും പോലെ.“

”നമ്മൾ അത്ര മോശക്കാരല്ല.“

അവർ അല്പനേരം അങ്ങനെയിരുന്നു; പിന്നയാൾ കുറച്ചുകൂടി കാപ്പി പകർന്നു. “അത് ഇന്നു രാത്രിയിൽ ആയിരിക്കുമെന്ന് നിങ്ങൾക്കെങ്ങനെ തോന്നി?”

“കാരണം.”

“എന്തുകൊണ്ട് കഴിഞ്ഞ നൂറ്റാണ്ടിലെ പത്തു കൊല്ലത്തിനുള്ളിലെ ഒരു രാത്രി, അല്ലെങ്കിൽ അഞ്ചോ പത്തോ കൊല്ലം മുമ്പത്തെ ഏതെങ്കിലും രാത്രി അവസാനരാത്രി ആയില്ല?”

“ചരിത്രത്തിൽ ഇതിനു മുമ്പൊരിക്കലും 1951 ഫെബ്രുവരി 30 എന്ന തീയതി വന്നിട്ടില്ല എന്നതുകൊണ്ടായിരിക്കാം; ഇപ്പോൾ അതായിരിക്കെ, മറ്റേതൊരു തീയതിയും അർത്ഥമാക്കുന്നതിൽ കൂടുതൽ ഈ തീയതി അർത്ഥമാക്കുന്നതിനാലായിരിക്കാം; ലോകമെങ്ങും കാര്യങ്ങൾ ഒരേപോലെ ആയത് ഈ വർഷമായതുകൊണ്ടാവാം; അതുകൊണ്ടാവാം ലോകാവസാനം ഇന്നായതും.”

“ഇന്നു രാത്രിയിൽ സമുദ്രത്തിനു മുകളിലൂടെ ഇരുവശത്തേക്കും പറക്കുന്ന യുദ്ധവിമാനങ്ങൾ ഇനി കര കാണില്ല.”

“അതും ഭാഗികമായ കാരണമാണ്‌.”

“അപ്പോൾ,” അയാൾ ചോദിച്ചു, “ഇനിയെന്താ? പാത്രങ്ങൾ കഴുകിവച്ചാലോ?”

അവർ പാത്രങ്ങൾ നന്നായി കഴുകി നല്ല വൃത്തിയിൽ അടുക്കിവച്ചു. എട്ടരയ്ക്ക് മക്കളെയവർ ഒരു ചുംബനവും കൊടുത്ത് കട്ടിലിൽ ഉറക്കാൻ കിടത്തി; കട്ടിലിനരികിലെ കുഞ്ഞുവിളക്കുകളുടെ സ്വിച്ചിട്ടിട്ട് വാതിൽ അല്പമൊന്നു തുറന്നുവയ്ക്കുകയും ചെയ്തു.

“ഞാൻ ആലോചിക്കുകയാണ്‌,”

“എന്ത്?”

“വാതിൽ ചേർത്തടയ്ക്കണോ അതോ അവർ വിളിച്ചാൽ കേൾക്കാൻ പറ്റുന്ന മട്ടിൽ ഒന്നു ചാരിയാൽ മതിയോ എന്ന്.”

“അതിന്‌ കുട്ടികൾക്കെന്തെങ്കിലും അറിയാമോ- അവരോട് ആരെങ്കിലും എന്തെങ്കിലും പറഞ്ഞോ?”

“ഇല്ലില്ല. അല്ലെങ്കിൽ അവർ നമ്മളോടതു ചോദിക്കേണ്ടതല്ലേ?”

അവർ പത്രങ്ങൾ വായിച്ചും സംസാരിച്ചും റേഡിയോയിൽ പാട്ടു കേട്ടും ഇരുന്നു; പിന്നെ ക്ലോക്കിൽ പത്തരയും പതിനൊന്നും പതിനൊന്നരയും അടിക്കുന്നതും കേട്ട്, ഫയർ പ്ലേസിലെ കനലുകളും നോക്കി അവരിരുന്നു. ലോകത്തെ മറ്റുള്ളവരെക്കുറിച്ച് അവരോർത്തു; അവരും തങ്ങളുടേതായ രീതിയിൽ ഈ രാത്രി കഴിച്ചുകൂട്ടുകയാവും.

അയാൾ എഴുന്നേറ്റ് അവരെ ദീർഘമായി ചുംബിച്ചു.

“നമ്മൾ എന്തായാലും പരസ്പരം മോശമായി പെരുമാറിയിട്ടില്ല.”

“നിനക്കു കരച്ചിൽ വരുന്നുണ്ടോ?”

”അങ്ങനെയൊന്നുമില്ല.“

അവർ ഓരോ മുറിയിലും ചെന്ന് ലൈറ്റുകൾ കെടുത്തിയിട്ട് വാതിലുകൾ പൂട്ടി; പിന്നെയവർ കിടപ്പുമുറിയിൽ ചെന്ന് രാത്രിയുടെ തണുത്ത ഇരുട്ടിൽ നിന്നുകൊണ്ട് വേഷം മാറി. ഭാര്യ എന്നും ചെയ്യുന്നപോലെ വിരിപ്പെടുത്ത് നന്നായി മടക്കി കസേരയിലേക്കിട്ടു. “വിരിപ്പുകൾക്കു നല്ല തണുപ്പും വൃത്തിയുമുണ്ട്,” അവർ പറഞ്ഞു.

”എനിക്കു ക്ഷീണം തോന്നുന്നു.“

”നമുക്കു രണ്ടുപേർക്കും.“

അവർ കട്ടിലിൽ കയറി മലർന്നുകിടന്നു.

“ഇപ്പോ വരാമേ,” ഭാര്യ പറഞ്ഞു.

അവർ എഴുന്നേല്ക്കുന്നതും വീടിനു പിന്നിലേക്കു പോകുന്നതും അയാൾ കേട്ടു; പിന്നെ ഒരു വാതിൽ അടയുന്നതിന്റെ നേർത്ത കിരുകിരുക്കം അയാൾ കേട്ടു; ഒരു നിമിഷം കഴിഞ്ഞപ്പോൾ അവർ മടങ്ങിവന്നു. “അടുക്കളയിൽ ടാപ്പടയ്ക്കാൻ മറന്നുപോയി,” അവർ പറഞ്ഞു. “അതടച്ചു.”

അതിലെന്തോ തമാശ തോന്നിയതുകൊണ്ട് അയാൾക്കു ചിരിക്കാതിരിക്കാൻ പറ്റിയില്ല.

താൻ ചെയ്തതിലെ തമാശ മനസ്സിലാക്കികൊണ്ട് അവരും അയാളോടൊപ്പം ചിരിച്ചു. പിന്നെ അവർ ചിരി നിർത്തി കൈകൾ പരസ്പരം പിണച്ച്, തലകൾ അടുപ്പിച്ച് കുളിർമ്മയുള്ള ആ മെത്തയിൽ കിടന്നു.

“ഗുഡ് നൈറ്റ്,” ഒരു നിമിഷം കഴിഞ്ഞ് അയാൾ പറഞ്ഞു.

”ഗുഡ് നൈറ്റ്,“ അവരും പറഞ്ഞു, എന്നിട്ടു പതുക്കെ, ”ഡിയർ...“

*

അമേരിക്കൻ എഴുത്തുകാരനും തിരക്കഥാകൃത്തുമായ Ray Douglas Bradbury (1920-2012)യെ ന്യൂയോർക്ക് ടൈംസ് വിശേഷിപ്പിക്കുന്നത് ആധുനികകാലത്ത് സയൻസ് ഫിൿഷനെ സാഹിത്യത്തിന്റെ മുഖ്യധാരയിലേക്കു കൊണ്ടുവരുന്നതിൽ ഏറ്റവുമധികം പങ്കു വഹിച്ച എഴുത്തുകാരൻ എന്നാണ്‌. ഫാറൻഹീറ്റ് 451 ആണ്‌ ഏറ്റവും പ്രശസ്തമായ നോവൽ. കഥകൾക്കും കവിതകൾക്കും  പുറമേ സിനിമയ്ക്കും ടെലിവിഷനും വേണ്ടിയും എഴുതിയിരുന്നു.

 - റേ ബ്രാഡ്ബറി 

തേടിപ്പോയവൻ

 

ശത്രുദേശത്തു വിട്ടുപോയതു വീണ്ടെടുക്കാൻ

ഒരുനാൾ ഞാൻ  പുറപ്പെട്ടുപോയി:

തെരുവുകളവർ അടച്ചുകളഞ്ഞു,

മുഖത്തു കൊട്ടിയടച്ചു വാതിലുകൾ;

തീയും വെള്ളവും കൊണ്ട്‌

അവരെന്നെ നേരിട്ടു.

എന്റെമേലവർ മലമെടുത്തെറിഞ്ഞു.

സ്വപ്നത്തിൽ പൊട്ടിപ്പോയ കിനാക്കളേ

എനിക്കു വേണ്ടു:

ചില്ലു കൊണ്ടൊരു കുതിര,

പൊട്ടിപ്പോയ ഒരു വാച്ച്‌.

ആർക്കുമറിയേണ്ട

എന്റെ ദുർഭഗജാതകം,

എന്റെ കേവലനിസ്സംഗത.

സ്ത്രീകളോടു ഞാൻ വ്യർത്ഥവാദം ചെയ്തു,

കക്കാൻ വന്നവനല്ല ഞാൻ,

നിങ്ങളുടെ മുത്തശ്ശിമാരെ കൊല്ലാനുമല്ല;

ഒരു പെട്ടിക്കുള്ളിൽ നിന്നു ഞാൻ പുറത്തുവരുമ്പോൾ,

പുകക്കുഴൽ വഴി ഞാനിറങ്ങിവരുമ്പോൾ

വലിയ വായിലേ അവർ നിലവിളിച്ചു.

എന്നിട്ടുമെത്ര പകലുകളിൽ,

പേമഴ പെയ്യുന്ന രാത്രികളിൽ

തേടിത്തേടി ഞാൻ നടന്നു.

സ്നേഹമില്ലാത്ത മാളികകളിൽ

കൂരയൂർന്നും വേലി നൂണും

രഹസ്യത്തിൽ ഞാൻ കടന്നു,

കമ്പളങ്ങളിൽ ഞാനൊളിച്ചു,

മറവിയോടു പോരടിക്കുകയായിരുന്നു ഞാൻ.

എനിക്കായില്ല തേടിപ്പോയതിനെ കണ്ടെത്താൻ.

ആരുടെ പക്കലുമില്ല എന്റെ കുതിര,

എന്റെ പ്രണയങ്ങൾ,

എണ്ണം തെറ്റിയ ചുംബനങ്ങൾക്കൊപ്പം

എന്റെയോമനയുടെ അരക്കെട്ടിൽ

എനിക്കു നഷ്ടമായ പനിനീർപ്പൂവും.

അവരെന്നെ തടവിലിട്ടു,

അവരെന്നെ പീഡിപ്പിച്ചു,

അവരെന്നെ തെറ്റിദ്ധരിച്ചു,

പേരുകേൾപ്പിച്ച പോക്കിരിയായി

അവർക്കു ഞാൻ.

ഇന്നെന്റെ നിഴലിനെത്തേടിയോടലില്ല ഞാൻ,

ആരെയും പോലെ സാമാന്യനുമായി ഞാൻ.

എന്നാലിന്നും ഞാനോർക്കാറുണ്ട്,

എന്റെ പ്രിയം, എനിക്കു നഷ്ടമായത്‌:

ഒരിലച്ചാർത്തിതാ തുറക്കുന്നു,

ഓരോരോ ഇലയായി,

ഒടുവിൽ നിഷ്പന്ദയാവുന്നു നീ-

നഗ്നയും.

- നെരൂദ  

നെപ്റ്റ്യൂണിന്റെ വിചിത്രമായ കണ്ടെത്തൽ

 

 ജ്യോതിശാസ്ത്രത്തിന്റെ ചരിത്രത്തിലെ തന്നെ വ്യത്യസ്ഥമായൊരു കണ്ടെത്തലായിരുന്നു നെപ്റ്റ്യൂണ്‍ എന്ന ഗ്രഹത്തിന്റേത്. കാരണം, നേരിട്ടുള്ള നിരീക്ഷണത്തിനു പകരം Mathematical Calculations ഉപയോഗിച്ച് കണ്ടെത്തിയ ആദ്യത്തെ ഗ്രഹമാണ് നമ്മുടെ നെപ്റ്റ്യൂണ്‍.

1781 ൽ യുറാനസ് കണ്ടെത്തിയതിന് ശേഷം, സൂര്യന്റെയും മറ്റ് ഗ്രഹങ്ങളുടെയും ഗുരുത്വാകർഷണ ബലത്തെ അടിസ്ഥാനമാക്കി നിരീക്ഷിച്ചതില്‍ യുറാനസിന്റെ ഭ്രമണപഥം പ്രതീക്ഷിച്ചതിൽ നിന്ന് അല്പം വ്യതിചലിക്കുന്നതായി ശാസ്ത്രജ്ഞര്‍ കണ്ടെത്തി.

യൂറാനസിന്റെ ഓര്‍ബിറ്റിലുള്ള ഈ ക്രമക്കേട് യുറാനസിന് അപ്പുറത്തുള്ള ഒരു വലിയ വസ്തുവിന്റ സ്വാധീനം സൂചിപ്പിച്ചു. തുടര്‍ന്ന് ഒരു "ട്രാൻസ്-യുറേനിയൻ ഗ്രഹം" ഉണ്ടാകാമെന്ന് നിരവധി ജ്യോതിശാസ്ത്രജ്ഞർ ചിന്തിച്ചു. പക്ഷേ നിരീക്ഷണത്തില്‍ അത്തരമൊരു വസ്തുവിനെ കണ്ടെത്താനും കഴിഞ്ഞില്ല.

തുടര്‍ന്ന് ഫ്രാൻസിലെ വെറിയർ, ആഡംസ്  എന്നീ ശാസ്ത്രജ്ഞര്‍ യുറാനസിന്റെ ഗുരുത്വാകർഷണ സ്വാധീനത്തെ അടിസ്ഥാനമാക്കി ഈ സാങ്കൽപ്പിക വസ്തുവിന്റെ സ്ഥാനം കണക്കാക്കുന്നതിനുള്ള സങ്കീർണ്ണമായ ദൗത്യം ഏറ്റെടുത്തു.

തുടര്‍ന്ന് വെറിയറുടെ Calculations  ന്റെ അടിസ്ഥാനത്തില്‍ ജര്‍മനിയിലെ ബെർലിൻ ഒബ്സർവേറ്ററിയിലെ ശാസ്ത്രജ്ഞർ ദൂരദർശിനി ക്രമീകരിക്കുകയും വെറിയറുടെ Calculations  ന്റെ പരിധിയിൽ 1846 ല്‍ നെപ്റ്റ്യൂണ്‍ എന്ന ഒരു പുതിയ ഗ്രഹം കണ്ടെത്തുകയും ചെയ്തു.  

 നെപ്റ്റ്യൂണിന്റെ കണ്ടെത്തൽ Newtonian Physics ന്റെ വിജയത്തോടൊപ്പം ജ്യോതിശാസ്ത്രത്തിലെ ഗണിതശാസ്ത്ര മേഖലയുടെ പ്രാധാന്യവും ഹൈലൈറ്റ് ചെയ്യുന്നു.  നമ്മുടെ കണ്ണിന് അദൃശ്യമായ ആകാശ വസ്തുക്കളെ കണ്ടെത്താൻ Mathematical Calculations എത്രത്തോളം പ്രായോഗികമാണെന്ന് തെളിയിച്ചുകൊണ്ട് ഈ സംഭവം ശാസ്ത്ര ചരിത്രത്തിലെ തന്നെ ഒരു വഴിത്തിരിവായി മാറി.

വാസനാവികൃതി

 1891 ല്‍ എഴുതപ്പെ‌ട്ട വാസനാവികൃതിയാണ് മലയാളത്തിലെ ആദ്യത്തെ ചെറുകഥയായി കരുതപ്പെ‌ടുന്നത്.വേങ്ങയില്‍ കുഞ്ഞിരാമന്‍ നായനാരാണ് ഈ ചെറുകഥ എഴുതിയത്.

രാജശിക്ഷ അനുഭവിച്ചിട്ടുള്ളതിൽ എന്നെപ്പോലെ ഭാഗ്യഹീനന്മാരായി മറ്റാരും ഉണ്ടായിട്ടില്ല. എന്നെക്കാൾ അധികം ദുഃഖം അനുഭവിച്ചവരും അനുഭവിക്കുന്നവരും ഇല്ലെന്നല്ല ഞാൻ പറയുന്നത്. എന്നാൽ എന്നെപ്പോലെ വിഡ്‌ഢിത്തം പ്രവർത്തിച്ചു ശിക്ഷായോഗ്യന്മാരായി വന്നിട്ടുള്ളവർ ചുരുക്കമായിരിക്കും. അതാണ് ഇനിക്കു സങ്കടം. ദൈവം വരുത്തുന്ന ആപത്തുകളെ അനുഭവിക്കുന്നതിൽ അപമാനമില്ല. അധികം ബുദ്ധിയുള്ള പോലീസ് ഉദ്യോഗസ്ഥന്മാരാൽ തോൽപ്പിക്കപ്പെടുന്നതും സഹിക്കാവുന്ന സങ്കടമാണ്. താൻ തന്നെ ആപത്തിനുള്ള വല കെട്ടി ആ വലയിൽ ചെന്നുചാടുന്നത് ദുസ്സഹമായിട്ടുള്ളതല്ലേ? എന്നുമാത്രമല്ല കുടുങ്ങുന്ന ഒരു കെണിയാണെന്ന് ബുദ്ധിമാന്മാരായ കുട്ടികൾക്കുകൂടി അറിയാവുന്നതായിരുന്നാൽ പിന്നെയുണ്ടാകുന്ന സങ്കടത്തിന് ഒരതിരും ഇല്ല. ഇതാണ് അവമാനം അവമാനം എന്നു പറയുന്നത്.

എന്റെ വീട് കൊച്ചിശ്ശീമയിലാണ്. കാടരികായിട്ടുള്ള ഒരു സ്ഥലത്താണെന്നു മാത്രമേ ഇവിടെ പറയാൻ വിചാരിക്കുന്നുള്ളൂ. ഒരു തറവാട്ടിൽ ഒരു താവഴിക്കാർ കറുത്തും വേറൊരു താവഴിക്കാർ വെളുത്തും കണ്ടിട്ടുള്ള അനുഭവം നിങ്ങൾക്കുണ്ടായിരിക്കണം. എന്റെ തറവാട്ടിലും ഇതുപോലെയാണ്. എന്നാൽ നിറഭേദമുള്ളത് ദേഹത്തിനല്ല മര്യാദയ്ക്കാണ്. എല്ലാ കാലത്തും ഒരുവകക്കാര് മര്യാദക്കാരും മറ്റേ വകക്കാര് അമര്യാദക്കാരുമായിട്ടാണ്. ഈ വേർതിരിവ് ഇന്നും ഇന്നലെയും ആയി തുടങ്ങിയതല്ല. കാരണവന്മാരുടെ കാലത്തേ ഉള്ളതാണ്. അമര്യാദതാവഴിയിലാണ് എന്റെ ജനനം. ഇക്കണ്ടക്കുറുപ്പ്, രാമൻ നായർ എന്നിങ്ങനെ രണ്ടു ദിവ്യപുരുഷന്മാരെ നിങ്ങളിൽ ചിലരെങ്കിലും കേട്ടിരിക്കാതിരിക്കയില്ല. അവരിൽ ആദ്യം പറഞ്ഞ മനുഷ്യൻ എന്റെ നാലാം അച്ഛനാണ്. നാലു തലമുറ മുമ്പിലത്തെ ഒരു അമ്മാവനും ആണ്. അദ്ദേഹത്തിന്റെ ഓർമ്മയ്‌ക്കു തന്നെയാകുന്നു ആ പേര് എനിക്കിട്ടിട്ടുള്ളതും. അതുകൊണ്ട് "ദ്വേധാ നാരായണീയം” എന്നു പട്ടേരി പറഞ്ഞതുപോലെ മക്കത്തായ വഴിക്കും മരുമക്കത്തായ വഴിക്കും ഇനിക്കു കള്ളനാവാനുള്ള യോഗവും വാസനയും അതികേമമായിരുന്നു. എന്റെ പാരമ്പര്യമാഹാത്മ്യത്തെ എല്ലാവരും പൂർണമായി അറിവാൻ വേണ്ടി നാലാമച്ഛനായ ഇക്കണ്ടകുറുപ്പിന്റെ മുത്തച്ഛനായിരുന്നു ഇട്ടിനാരായണൻ നമ്പൂതിരിയെന്നു കൂടി ഇവിടെ പറയേണ്ടതായി വന്നിരിക്കുന്നു. ഇട്യാറാണന്റെ കഥ കേൾക്കാത്ത വിഡ്‌ഢിയുണ്ടെങ്കിൽ അവനായിട്ട് ഇതു ഞാൻ എഴുതുന്നില്ല. ബാല്യത്തിൽത്തന്നെ എന്നെ അമര്യാദതാവഴിയിൽ നിന്നു വേർപെടുത്തുവാൻ വീട്ടിലുള്ളവരിൽ ചിലർ ഉത്സാഹിച്ചു. സാധിച്ചില്ലെങ്കിൽ അവരുടെ പ്രയത്നക്കുറവല്ലെന്ന് ഞാൻ സത്യം ചെയ്‌ത് കയ്‌പീത്തുകൊടുക്കാം. എന്റെ വാസനാബലം എന്നു മാത്രമേ പറവാനുള്ളൂ. വിദ്യാഭ്യാസവിഷയത്തിൽ ഞാൻ വലിയ മടിയനായിരുന്നു എന്ന് ഒരിക്കലും പറഞ്ഞുകൂടാ. എന്റെ സഹപാഠികളിൽ അധികം പേരും എന്നെക്കാൾ ബുദ്ധികുറഞ്ഞവരായിരുന്നു എന്നുലള്ളതിലേക്ക് ഞങ്ങളുടെ ഗുരുനാഥൻ തന്നെയാണ് സാക്ഷി. പത്തുകൊല്ലംകൊണ്ട് മുപ്പതുസർഗം കാവ്യം പഠിച്ച "ഗണാഷ്‌ടകവ്യുൽപ്പത്തി" മാത്രമായി അവശേഷിക്കുന്ന ഗംഭീരന്മാർ മലയാളത്തിൽ പലേടത്തും ഉണ്ട്. ഞാൻ അഞ്ചെട്ടു സർഗ്ഗം കാവ്യം പഠിച്ചിട്ടുണ്ട്. 

വ്യുൽപ്പന്നനായിയെന്ന് മേനി പറയത്തക്ക അറിവ് എനിക്കുണ്ടായില്ല. എങ്കിലും വ്യാഖ്യാനമുണ്ടെങ്കിൽ മറ്റു സഹായം കൂടാതെ ഒരുവിധം ഭാവം മനസ്സിലാകത്തക്ക വ്യുൽപ്പത്തി എനിക്കുണ്ടായി. ഇതു സമ്പാദിച്ചപ്പോഴേക്കും രണ്ടുവഴിക്കും കൂടി കിട്ടീട്ടുള്ള വാസനകൊണ്ട് ഇതിലൊന്നിലും ഇനിക്കു മോഹമില്ലാതെ തീർന്നു.

കാടരികിൽ വീടായതുകൊണ്ട് ഇടയ്‌ക്കിടെ കാട്ടിൽപോകുവാനും പല മൃഗങ്ങളായി നേരിടുവാനും സംഗതി വന്നതിനാൽ ബാല്യം മുതൽക്കു തന്നെ പേടി എന്ന ശബ്‌ദത്തിന് എന്നെ സംബന്ധിച്ചിടത്തോളം അർഥം ഇല്ലാതെവശായി. വായിക്കുന്ന കാലത്തുതന്നെ കോണം കക്കാറും പ്രഹരം കൊള്ളാറും ഉണ്ട്. എങ്കിലും ഇരുപതു വയസ്സു കഴിഞ്ഞപ്പോഴേക്കും എന്റെ പ്രകൃതം അശേഷം മാറി. ചില്ലറ കളവുവിട്ട് വൻതരത്തിൽ മോഹം തുടങ്ങി. വിലപിടിച്ച സാധനമായാലേ എന്റെ നോട്ടം ചെല്ലുകയുള്ളൂ. ചെന്ന ദിക്കിലെല്ലാം ഈരാറു പന്ത്രണ്ടുതന്നെ. ഇങ്ങനെ വളരെ ദ്രവ്യം സമ്പാദിച്ചു. എന്റെ പ്രവൃത്തിയിൽ ഞാൻ പിന്തുടർന്നിരുന്നത് നാലാം അച്ഛനെയല്ല. കളവ് ചെയ്യുന്നത് രണ്ടു വിധമാണ്. ഒന്ന് ദീവട്ടിക്കൊള്ള, മറ്റേത് ഒറ്റയ്ക്കുപോയി കക്കുക. ഇതു രണ്ടും തമ്മിലുള്ള വ്യത്യാസം തെളിനായാട്ടും തെണ്ടിനായാട്ടും പോലെയാകുന്നു. തെളിനായാട്ടായാൽ ഒരു മൃഗത്തെയെങ്കിലും കണ്ടെത്താതിരിക്കയില്ല. എന്നാൽ അത് ഇവനു തന്നെ വെടിവയ്ക്കുവാൻ തരമാകുന്നത് നിശ്ചയമില്ല. പങ്കിട്ടു കിട്ടുന്ന ഓഹരിയും വളരെ ചുരുക്കമായിരിക്കും. മൃഗത്തിന്റെ ചോടു നോക്കി പോകുന്നതായാൽ കിട്ടുവാൻ താമസവും കണ്ടെത്തിയാൽ വൈഷമ്യവും ഉണ്ടെന്നു പറയുന്നതു ശരിയായിരിക്കാം. അസ്വാധീനത്തിങ്കലും വൈഷമ്യത്തിലും അല്ലേ രസം? കണ്ടെത്തിക്കിട്ടായാൽ പ്രയോഗത്തിന്നു പങ്കുകാരില്ല. അതുകൊണ്ട് ഒറ്റയ്ക്കുള്ളതായിരിക്കുകയാണ് നല്ലത് എന്ന് എനിക്കു തോന്നി. നാലാമച്ഛൻ ഈ അഭിപ്രായക്കാരനായിരുന്നില്ല – അദ്ദേഹം പ്രാചീനൻതന്നെ. ‍ഞാൻ നവീനനും. എന്നാൽ ഇട്യാറാണാൻ മുത്തച്ഛൻ തിരുമനസ്സുകൊണ്ട് എന്റെ മതക്കാരനായിരുന്നു. ഇത്രവളരെക്കാലം മുമ്പുതന്നെ ഇദ്ദേഹത്തിനു നവീനബുദ്ധിയുണ്ടായിരിക്കുന്നത് വിചാരിക്കുമ്പോൾ ഇദ്ദേഹത്തിനെ അമാനുഷൻ എന്ന് ഇരിങ്ങാലക്കുട ഗ്രാമക്കാർ പറയുന്നത് അത്ര കഷ്‌ടമല്ല.

വീട്ടിൽനിന്നു ചാടിപ്പോന്നതിൽപ്പിന്നെ അഞ്ചു കൊല്ലത്തോളം ഞാൻ പുറത്തിറങ്ങി സമ്പാദിച്ചു. അപ്പോഴേക്ക് കൊച്ചി രാജ്യത്ത് പുതിയ പോലീസ് ഏർപ്പെടുത്തി. അക്കാലത്ത് തൃശ്ശിവപേരൂർക്ക് സമീപം ഒരു ദിക്കിൽ ഞാനൊരു കളവുനടത്തി. അത് ഗന്തർ സായ്പിന്റെ പരിവാരങ്ങൾക്ക് അശേഷം രസമായില്ലപോൽ. കളവുണ്ടായത് ഒരില്ലത്താണ്. ഗൃഹസ്ഥന്റെ മകനായിരുന്നു എനിക്ക് ഒറ്റ്. ഈ കള്ളൻ പാശികളിക്കാരനായിരുന്നു. അതിൽ വളരെ കടം പറ്റി. വീട്ടുന്നതിന് നിവൃത്തിയും ഉണ്ടായിരുന്നില്ല. എന്നിട്ടാണ് എന്നെ ശരണം പ്രാപിച്ചത്. അച്ഛൻ നമ്പൂതിരി ഉണരാതിരിപ്പാൻ കറുപ്പുകൂടിയ മരുന്നു ഞാൻ കുറെ കൊടുത്തിട്ടുണ്ടായിരുന്നു. അതു വൈകുന്നേരത്തെ പാലിലിട്ടുകൊടുപ്പാനാണ് ശട്ടം കെട്ടിയിരുന്നത്. നാലിൽ ഒന്നു മാത്രമേ കൊടുക്കാവു എന്ന് പ്രത്യേകം താക്കീതു ചെയ്‌തിട്ടുണ്ടായിരുന്നു. അകത്തുകടന്ന് ഒതുക്കാവുന്നതെല്ലാം ഞാൻ കൈക്കലാക്കി. നമ്പൂതിരിയുടെ തലയ്ക്കൽ ഒരു ആഭരണപ്പെട്ടി വച്ചിരുന്നതും തട്ടണമെന്ന് കരുതി അടുത്തുചെന്നു. അദ്ദേഹം ഉണരുമോ എന്നു വളരെ ഭയമുണ്ടായിരുന്നു. അതുണ്ടായില്ല. എങ്ങനെയാണ് ഉണരുന്നത്? ഒരിക്കലും ഉണരാത്ത ഉറക്കമാണ് അദ്ദേഹം ഉറങ്ങിയിരുന്നത്. ആ മഹൻ മഹാപാപി തന്റെ മനോരഥം സാധിക്കുന്നതിന്ന് ഒരു തടസ്സവും വരരുതെന്നു വിചാരിച്ച് ഞാൻ കൊടുത്ത മരുന്നു മുഴുവനെ പാലിലിട്ടു കൊടുത്തു. ഞാൻ എടുത്ത മുതലിൽ ആഭരണപ്പെട്ടി മുഴുവൻ എന്റെ സ്‌നേഹിതയായ കല്ല്യാണിക്കുട്ടിക്കു കൊടുത്തു. അവൾക്കു എന്നേയും എനിക്ക് അവളേയും വളരെ അനുരാഗമുണ്ടായിരുന്നു. പെട്ടിയിൽ നിന്ന് ഒരു പൂവെച്ചമോതിരം എടുത്ത് ഒരു ദിവസം രാത്രി എന്റെ എടത്തെക്കൈയിന്റെ മോതിരവിരലിന്മേൽ ഇടുവിച്ചു. അതു മുതൽക്ക് ആ മോതിരത്തെപ്പറ്റി ഇനിക്ക് അതിപ്രേമമായിരുന്നു. കുറച്ചു ഊരാഞ്ചാടിയായിരുന്നാലും ഞാൻ കയ്യിൽ നിന്ന് ഊരാറില്ല.

നമ്പൂതിരിയുടെ ഇല്ലത്തെ കളവുകവിഞ്ഞതിൽ വച്ച് എന്റെ മേൽ പോലീസ്സുക്കാർക്ക് സംശയം തോന്നി. ഉടനെ കൊടുങ്ങല്ലൂർ തലേക്കെട്ടും കളവുപോയി. അടുത്തകാലത്തിന്നുള്ളിൽ വേറെ രണ്ടു മൂന്നു കളവുകളും നടന്നു. പോലീസുകാരുടെ അന്വേഷണം കൊണ്ടുപിടിച്ചു. എല്ലാം കൂടി ഇനിക്കവിടെ ഇരിപ്പാൻ തരമില്ലെന്നുതോന്നി. കുറച്ചുദിവസത്തേക്ക് ഒഴിഞ്ഞുപോകണമെന്നു നിശ്ചയിച്ച് മദിരാശിക്ക് പുറപ്പെട്ടു. അവിടെച്ചെന്നാൽ യാതൊരു വിദ്യയും എടുക്കണമെന്നുണ്ടായിരുന്നില്ല. എന്റെ ഒരു കോടതിപൂട്ടൽപ്പോലെ വിചാരിച്ചാണ് ഞാൻ പുറപ്പെട്ടത്. കോടതി പൂട്ടിയാൽ പിന്നെ ഉദ്യോഗസ്ഥന്മാർക്ക് സൗഖ്യവും സൗന്ദര്യവും തെണ്ടി സഞ്ചരിക്കുകയല്ലേ തൊഴിൽ. അതുപോലെ ഞാനും ചെയ്വാൻ നിശ്ചയിച്ചു. മദിരാശിയിൽ നിന്ന് ഒരു മാസത്തോളം കാഴ്‌ച കണ്ടുനിന്നു. ഒരു ദിവസം ഗുജിലിത്തെരുവിൽ ചെന്നപ്പോൾ അതിസൗഭാഗ്യവതിയായ തേവിടിശ്ശി സാമാനം വാങ്ങുവാൻ വന്നിരുന്നു. അപ്പോൾ ആ പീടികയിൽ കുറച്ചു ജനത്തിരിക്കും ഉണ്ടായി. അതിനിടയിൽ ഒരു വിഡ്‌ഢ്യാൻ പകുതിവായയും തുറന്ന് കറപറ്റിയ കോന്ത്രമ്പല്ലും പുറത്തുകാട്ടി ആ തേവിടിശ്ശിയുടെ മുഖം നോക്കിനിന്നിരുന്നു. ഈ മന്നന്റെ നില കണ്ടപ്പോൾ ഇവനെ ഒന്നു പറ്റിക്കാതെ കഴിയില്ലെന്നു നിശ്ചയിച്ചു. വേണ്ടാസനത്തിനു പുറപ്പെടണ്ടാ എന്നു വച്ചിരുന്ന നിശ്ചയം തൽക്കാലം മറന്നുപോയി. ഉടനെ ഞാനും ആ കൂട്ടത്തിലേക്ക് അടുത്തുചെന്നു. അവന്റെ പോക്കറ്റിൽ എന്റെ എടത്തെ കയ്യിട്ടു. ഈ ജാതി കളവിൽ സാമർഥ്യമുണ്ടാകണമെങ്കിൽ അർജുനന്റെ സവ്യസാചിത്വവും അഭ്യസിച്ചിരിക്കണം. രണ്ടുകൈകൊണ്ടും ഒരുപോലെ പ്രയോഗിപ്പാൻ സാമർഥ്യം ഇല്ലാഞ്ഞാൽ പലതരങ്ങളും തെറ്റിപ്പോകുവാൻ ഇടയുണ്ട്. പോക്കറ്റിൽ നിന്ന് നോട്ടുപുസ്തകവും എടുത്ത് ഞാൻ വലത്തോട്ട് മാറി മടങ്ങിപ്പോരികയും ചെയ്തു. ഭക്ഷണം കഴിഞ്ഞ് രാത്രി കിടന്നുറങ്ങുമ്പോൾ കല്യാണിക്കുട്ടിയെ സ്വപ്നം കണ്ട് ഞെട്ടി ഉണർന്നു. 

ഏകസംബന്ധിജ്ഞാനമപരസംബന്ധിസ്‌മാരകമെന്ന ന്യായേന മോതിരത്തെപ്പറ്റി ഓർമവന്നു. 

തപ്പിനോക്കിയപ്പോൾ കൈയിന്മേൽ കണ്ടില്ല. ഇനിക്കു വളരെ വ്യസനമായി. എവിടെപ്പോയിരിക്കാമെന്ന് വളരെ ആലോചിച്ചു. ഒരു തുമ്പും ഉണ്ടായില്ല. പിറ്റേന്നാൾ കാലത്തെ എഴുന്നേറ്റ് തലേ ദിവസം നടന്ന വഴികളും ഭവനങ്ങളും പരിശോധിച്ചു. പലരോടും ചോദിക്കയും ചെയ്തു. പോലീസ് സ്റ്റേഷനിൽ ചെന്ന് അറിവ് കൊടുത്തു. വല്ല വിധേനയും അവരുടെ കൈവശത്തിൽ വരുവാൻ സംഗതിയുണ്ടെന്നു കരുതിയാണ് ആ കഥയില്ലായ്മ പ്രവർത്തിച്ചത്.

അന്നു ഉച്ചതിരിഞ്ഞ സമയത്ത് ഒരു കോൺസ്റ്റബിൾ ഞാൻ താമസിക്കുന്നേടത്തു വന്നു. അയാളെ കണ്ടപ്പോൾത്തന്നെ എന്റെ മോതിരം കിട്ടിയെന്ന് എനിക്കു തോന്നി. മടക്കിത്തരുവാനുള്ള മടികണ്ടപ്പോൾ വല്ല സമ്മാനവും കിട്ടണമെന്നാണെന്നു വിചാരിച്ചു ഞാൻ അഞ്ചുറുപ്പിക കയ്യിലെടുത്തു. “ഈ മോതിരം എന്റെ കൈയ്യിൽ വന്നത് എങ്ങനെയാണെന്നു നിങ്ങൾക്കു മനസ്സിലായോ” എന്നു ചോദിച്ചപ്പോൾ ഞാൻ അറിയാതെ സ്തംഭാകാരമായിട്ടു നിന്നു. ഇനിക്ക് ഓർമവന്നപ്പോൾ കൈവിലങ്ങും വച്ച് ദേഹപരിശോധനകഴിച്ച് പോക്കറ്റിൽ നിന്ന് നോട്ടുപുസ്തകവും എടുത്ത് മേശപ്പുറത്തു തന്നെ വച്ചിരിക്കുന്നു. ഈ വിഡ്‌ഢിത്തത്തിന്റെ സമ്പാദ്യം ആറുമാസവും പന്ത്രണ്ടടിയും തന്നെ. അതും കഴിച്ച് ഞാനിതാ പുറത്തുവന്നിരിക്കുന്നു. ഇത്ര കൊള്ളരുതാത്ത ഞാൻ ഇനി ഈ തൊഴിലിൽ ഇരുന്നാൽ നാലാമച്ഛന് അപമാനമേയുള്ളൂ. കളവു ചീത്തയാണെന്നല്ലേ എല്ലാവരും പറയുന്നത്. ഞാനെന്റെ തൊഴിലും താവഴിയും ഒന്നു മാറ്റി നോക്കട്ടെ. ഇതുവരെ ചെയ്‌ത പാപമോചനത്തിനും മേലിൽ തോന്നാതിരിപ്പാനും വേണ്ടി ഗംഗാസ്നാനവും വിശ്വനാഥദർശനവും ചെയ്യട്ടെ. പണ്ടു മുത്തശ്ശി സന്ധ്യാസമയത്ത് ചൊല്ലാറുണ്ട്:

“ ശ്രുതിസ്‌മൃ‌തിഭ്യാം വിഹിതാ വ്രതാദയഃ

പുനന്തി പാപം ന ലുനന്തി വാസനാം

അനന്തസേവാ തു നികൃന്തതി ദ്വയീ

മിതിപ്രഭോ ത്വൽപുരുഷാ ബഭാഷിരെ. ”

                                                                                    (ഒപ്പ്)

                                                                                   ഇക്കണ്ടക്കുറുപ്പ്

 -വേങ്ങയില്‍ കുഞ്ഞിരാമന്‍ നായനാര്‍