പ്രപഞ്ചത്തിൻ്റെ ഭൂതകാലം കൺമുന്നിൽ!!

 പ്രപഞ്ചാരംഭത്തിന് ശേഷം അധികം വൈകാതെ രൂപപ്പെട്ട ഒരു ഗാലക്സിയെക്കൂടി 𝐉𝐖𝐒𝐓-യുടെ കണ്ണുകളിലൂടെ നാം കണ്ടിരിക്കുന്നു!

ഇതുവരെ നിരീക്ഷിച്ചതിൽ ഏറ്റവും അകലെയുള്ളതാണ്, 𝐉𝐀𝐃𝐄𝐒-𝐆𝐒-𝐳𝟏𝟒-𝟎 എന്ന ഈ ഗാലക്സി!

JWST അഡ്വാൻസ്ഡ് ഡീപ് എക്‌സ്‌ട്രാഗാലക്‌റ്റിക് സർവേ (JADES) പ്രോഗ്രാമിൻ്റെ ഭാഗമായി NIRcam ഉപയോഗിച്ച് 2024-ൽ കണ്ടെത്തിയ ഫോർനാക്‌സ് നക്ഷത്രസമൂഹത്തിലെ ഉയർന്ന-റെഡ്‌ഷിഫ്റ്റ് ലൈമാൻ-ബ്രേക്ക് ഗാലക്‌സിയാണ് JADES-GS-z14-0. ഇതിന് 14.32 ൻ്റെ റെഡ്  ഷിഫ്റ്റ് ഉണ്ട്, ഇത് ഇതുവരെ കണ്ടെത്തിയിട്ടുള്ളതിൽ വച്ച് ഏറ്റവും ദൂരെയുള്ള താരാപഥവും ജ്യോതിശാസ്ത്ര വസ്തുവും ആക്കി മാറ്റുന്നു.

𝐁𝐢𝐠 𝐛𝐚𝐧𝐠-ന് ശേഷം 𝟐𝟗 കോടി വർഷങ്ങൾക്ക് ശേഷമുള്ള സമയത്തെ കാഴ്ചയാണ് ഈ ഗാലക്സിയിലൂടെ നാം കണ്ടുകൊണ്ടിരിക്കുന്നത്!

JADES-GS-z14-0 1600 പ്രകാശവർഷം വീതിയും വളരെ പ്രകാശമാനവും ആണ്  . ഹൈഡ്രജനും ഓക്സിജനും ഉൾപ്പെടെ ശക്തമായ അയോണൈസ്ഡ് വാതക ഉദ്വമനത്തിൻ്റെ സാന്നിധ്യം സ്പെക്ട്രോസ്കോപ്പിക് വിശകലനം വെളിപ്പെടുത്തി.

മുൻപ് 𝐉𝐖𝐒𝐓 തന്നെ കണ്ടെത്തിയ, 𝟑𝟐 കോടി വർഷങ്ങൾക്ക് ശേഷമുള്ള (𝐀𝐟𝐭𝐞𝐫 𝐭𝐡𝐞 𝐁𝐢𝐠 𝐁𝐚𝐧𝐠) 𝐆𝐍-𝐳𝟏𝟏 എന്ന ഗാലക്സിയുടെ 𝐑𝐞𝐜𝐨𝐫𝐝 ആണ് ഇപ്പോൾ മറികടന്നിരിക്കുന്നത്. പേരുകളിലുള്ള 𝐳𝟏𝟒, 𝐳𝟏𝟏 എന്നത് ആ ഗാലക്സി കാണിക്കുന്ന 𝐑𝐞𝐝𝐬𝐡𝐢𝐟𝐭-ൻ്റെ അളവാണ്.

ദൂരത്തിലുപരി ഗാലക്സിയുടെ വലിപ്പവും, തെളിച്ചവും, ചില മൂലകങ്ങളുടെ സന്നിധ്യവുമൊക്കെയാണ് ശരിക്കും ശാസ്ത്രജ്ഞരെ അതിശയിപ്പിച്ചിരിക്കുന്നത്! പല ചോദ്യങ്ങളും ഉയർത്തിയിട്ടുമുണ്ട്!!

ഉദാഹരണത്തിന്,

സൂര്യനേക്കാൾ ദശലക്ഷക്കണക്കിന് മടങ്ങ് മാസ്സുള്ള, അൽപായുസ്സുള്ള 𝐘𝐨𝐮𝐧𝐠 𝐬𝐭𝐚𝐫𝐬 ആണ് ഈ ഗ്യാലക്സിയെ 𝐁𝐫𝐢𝐠𝐡𝐭𝐞𝐬𝐭 ആക്കിമാറ്റുന്നത് എന്നത്.

കൂടാതെ പ്രതീക്ഷിച്ചതിലധികമുള്ള ഓക്സിജൻ്റെ ആധിക്യം! തുടങ്ങിയവ.

എന്തുകൊണ്ട് 𝐉𝐖𝐒𝐓 മാത്രം?

മുൻഗാമികളായ ഏതൊരു ടെലസ്കോപ്പിനേക്കാളും കൂടുതൽ ദൂരത്തേക്ക് അല്ലെങ്കിൽ കൂടുതൽ ഭൂതകാലത്തേക്ക് നോക്കാനായി പ്രത്യേകമായി നിർമ്മിച്ചതാണ് 𝐉𝐖𝐒𝐓! ഇതിനായി 𝟐𝟎𝟐𝟏-ൽ, 𝐔𝐒, 𝐄𝐮𝐫𝐨𝐩𝐞𝐚𝐧 𝐚𝐧𝐝 𝐂𝐚𝐧𝐚𝐝𝐢𝐚𝐧 𝐬𝐩𝐚𝐜𝐞 𝐚𝐠𝐞𝐧𝐜𝐲-കൾ ചേർന്ന് 𝟏𝟎𝟎𝟎 കോടി ഡോളർ ചിലവാക്കിയാണ് ഇത് വിക്ഷേപിച്ചത്.

അതുകൊണ്ട്, ആദ്യമായി ജ്വലിച്ച നക്ഷത്രങ്ങളെ കണ്ടെത്തുക എന്നത് ഇതിൻ്റെ പ്രധാന ലക്ഷ്യമാണ്!

ഒന്ന് ആലോചിച്ച് നോക്കൂ...,

പ്രപഞ്ചത്തിൻ്റെ ഏറ്റവും 'നവീന'മായ അവസ്ഥയിൽ ജീവിക്കുന്ന ഒരു ജീവിവർഗ്ഗം, പ്രപഞ്ചത്തിൻ്റെ പരമാവധി പുരാതനമായ അവസ്ഥയെ കാണാനും അറിയാനും ശ്രമിച്ചു കൊണ്ടേയിരിക്കുന്നു!!

ഇന്ന് പ്രകൃതിയിൽ കാണപ്പെടുന്ന ഭാരമേറിയ മൂലകങ്ങളൊക്കെ നിർമ്മിക്കപ്പെട്ടത് ഈ നക്ഷത്രങ്ങളുടെ കോറിലാണ്! നമ്മളുപയോഗിക്കുന്ന കത്തി മുതൽ സ്വർണ്ണമാല വരെ! ഈ നക്ഷത്രങ്ങൾ അവയുടെ കോറുകളിൽ പാചകം ചെയ്തതാണ്!!

മാത്രമല്ല ഈ മൂലകങ്ങളെ അവയാൽ കഴിയാവുന്ന രീതിയിൽ, പരമാവധി അകലേക്ക് വീശിയെറിയുക കൂടി ചെയ്യുന്നുണ്ട്!

എന്തിനു വേണ്ടി??

ഈ മൂലകങ്ങൾ എന്നെങ്കിലുമൊരിക്കൽ അനുകൂലമായ പരിതസ്ഥിതിയിൽ ശരിയായ രീതിയിൽ കൂടിച്ചേർന്ന്, ജീവനുണ്ടാകുന്നതിനോ? അതോ പിന്നെയും ശതകോടി വർഷങ്ങൾ കഴിഞ്ഞ് മനുഷ്യനേപ്പോലെയുള്ളവ ഉണ്ടായി, ജന്മം തന്നവരെ ഇതുപോലെ ആശ്ചര്യത്തോടെ നോക്കി നിൽക്കും എന്നറിഞ്ഞിട്ടോ!!??