തെക്കേ അമേരിക്കയുടെ വൈവിദ്യങ്ങള്‍ കണ്ടു നടക്കുന്ന ഞങ്ങള്‍ ഇപ്പോള്‍ ക്യൂബയിലാണ് .. തലസ്ഥാന നഗരിയായ ഹവാനയില്‍ എത്തിയിട്ട് ദിവസം രണ്ടാകുന്നു . ലോകചരിത്രത്തില്‍ വളരെ തലയെടുപ്പോടുകൂടി നില്‍ക്കുന്ന ചെറിയ ഒരു രാഷ്ട്രം , ഫിടെല്‍ കാസ്ട്രോ എന്ന കമ്മുണിസ്റ്റു നേതാവിന്റെ ജന്മനാട് . ക്യുബയെപറ്റി എഴുതണം എന്ന ആഗ്രഹത്തില്‍ കണ്ടതും കേട്ടതുമായ കാര്യങ്ങള്‍ കുത്തിക്കുറിച്ചിട്ടു നടക്കുന്നതിനിടയില്‍ ആണ് അപ്രതീക്ഷിതമായി ഒരു എക്സിബിഷന്‍ കാണാന്‍ ഇടയായത് . അതിനാല്‍ ആദ്യം അതില്‍ ഞാന്‍ കേട്ടറിഞ്ഞ ഒരു നിഗൂടതെയപ്പറ്റി എഴുതാം എന്ന് കരുതി . അതെ കുട്ടിക്കാലം മുതല്‍ കേട്ട എന്നാല്‍ നിജസ്ഥിതി ശാസ്ത്ര ലോകത്തിനു പോലും ഇതുവരെ കണ്ടത്താന്‍ കഴിയാത്ത ആ നിഗൂഡ നീര്‍ച്ച്ചുഴിയെപറ്റി തന്നെ , ചെകുത്താന്റെ ത്രികോണം !!
ശാസ്ത്രം അനുദിനം വളര്‍ന്നുകൊണ്ടിരിക്കുന്നു . പ്രപഞ്ച രഹസ്യങ്ങളുടെ ചുരുലഴിക്കുന്നതിനു അത് മനുഷ്യനെ സഹായിച്ചു . പൂര്നമായല്ലന്കിലും കുറെ ഒക്കെ പ്രകൃതി ശക്ത്തികളെ നിയന്ത്രിക്കാനും അത് മനുഷ്യനെ പ്രാപ്തനാക്കി . കോടാനു കോടി പ്രകാശ വര്‍ഷങ്ങള്‍ക്കപ്പുരത്തുള്ള നക്ഷത്രങ്ങളെ കണ്ടെത്തിയതുമുതല്‍ പരമാനുവില്‍ ഒളിഞ്ഞിരിക്കുന്ന അപാര ശക്തിയെ ഉപയോഗപ്പെടുത്താന്‍ വരെ ശാസ്ത്രത്തിനു കഴിഞ്ഞു . ദൂരത്തെ വേഗം കൊണ്ട് കീഴടക്കി , ചന്ദ്രനില്‍ കാലു കുത്തി , ജനിതക രഹസ്യം കണ്ടെത്തി ജീവന്റെ പകര്‍പ്പുമെടുത്തു . എന്നാല്‍ ഇതെല്ലാം സാധിച്ച ശാസ്ത്രത്തിനു പൂര്‍ണമായും ഉത്തരം നല്‍കാന്‍ സാധിക്കാത്ത ചില രഹസ്യങ്ങള്‍ ഇപ്പോളും അവശേഷിക്കുന്നു അതും മനുഷ്യന്റെ കണ്‍ വെട്ടത്തു .
വിമാനങ്ങളെയും കപ്പലുകളെയും വീഴ്ത്തുന്ന ബെര്‍മുഡ ത്രികോണം , ഉണ്ടന്നോ ഇല്ലന്നോ പറയാന്‍ സാധിക്കാത്ത അറ്റലാന്റിക്സ് എന്ന സമുദ്ര നഗരം , എവിടെയാണെന്ന് അറിയാതെ മനുഷ്യനെ മോഹിപ്പിക്കുന്ന എല്‍ ഡൊരാടോ എന്ന സ്വര്‍ണ നഗരം , ഹിമാലയത്തിലെ താമസക്കാരനായ യെതി അങ്ങനെ എത്ര എത്ര ചുരുളഴിയാത്ത രഹസ്യങ്ങള്‍ .
ബെര്‍മുഡ ട്രയാംഗിള്‍ !! അനന്ത വിശാലമായ അറ്റലാന്റിക് സമുദ്രത്തിലെ പേടിപ്പെടുത്തുന്ന ജലപ്പരപ്പ് . നൂറ്റാണ്ടുകളായി സമുദ്ര സഞ്ചാരികള്‍ക്ക് പേടി സ്വപ്നമായി നില കൊള്ളുന്ന നിഗൂടതയുടെയും , മരണത്തിന്റെയും അനന്ത വിശാലത . ഓളങ്ങള്‍ ഇല്ലാത്ത സ്വച്ഛന്തമായ ഇന്ദ്ര നീലന്ജോരികള്‍ ഉണര്‍ത്തുന്ന സമുദ്രം . അതിന്റെ അഗാതതയില്‍ അസ്തമിച്ചുപോയ സമുദ്രയാനങ്ങളും , വിമാനങ്ങളും എത്രയെന്നു ആര്‍ക്കുമറിയില്ല . എങ്ങനെയാണ് ഇത് സംഭവിച്ചതെന്നും നിഗൂഡം .. ഒരു കാര്യം മാത്രം എല്ലാവര്‍ക്കുമറിയാം അറ്റലാന്റിക്കിലെ ഈ പ്രദേശം വിജനത തലം കെട്ടിയ ഈ ജലഭാഗം അപകടകാരിയാണ് .
ബെര്‍മുഡ ത്രികോണത്തില്‍ കപ്പലുകളും വിമാനങ്ങളും പെട്ടന്ന് അപ്രത്യക്ഷമാകുന്നതിന് കാരണങ്ങള്‍ തിരക്കി ഒട്ടേറെ അന്വേഷണങ്ങള്‍ നടന്നിട്ടുണ്ട് . ആ പ്രദേശത്തെ കടലിന്റെ സ്വഭാവം , അപ്രതീക്ഷിതമായി ഉണ്ടാകുന്ന കൊടുംകാറ്റു , കടലിനടിയിലെ കാന്തിക ശക്തി തുടങ്ങി ദുര്ഭൂതങ്ങള്‍ വരെ കാരണങ്ങള്‍ ആയി നിരത്തി എന്നാല്‍ ആര്‍ക്കും പൂര്‍ണമായ ഉത്തരം നല്‍കാന്‍ ഇതേ വരെ സാധിച്ചിട്ടില്ല . കടലിലെ ശക്തമായ ജല പ്രവാഹം ( ഗള്‍ഫ്‌ സ്ട്രീം ) മൂലം ഉണ്ടാകുന്ന ശക്തമായ തിരമാല ആണ് കുഴപ്പങ്ങള്‍ക്കെല്ലാം കാരണം എന്ന് വാദിക്കുന്നവരും ഉണ്ട് . എന്നാല്‍ വിമാനങ്ങളെ വീഴ്ത്താന്‍ തിരക്കാവില്ലന്നു ആ വാദം ഉയര്‍ത്തിയവര്‍ തന്നെ സമ്മതിക്കുന്നു .
ബെര്‍മുഡ ട്രയാങ്ങിളിലെ അമ്പരിപ്പിക്കുന്ന മറ്റൊരു കാര്യം , ഇവിടെ ഇടയ്ക്കിടെ കണ്ടെത്തുന്ന ആളില്ല കപ്പലുകളാണ് . - പ്രേതകപ്പലുകള്‍ !! അറ്റലന്റിക്കിലെ സന്ച്ചാരത്തിനിടയില്‍ പല നാവികരും ഇത്തരം കപ്പലുകളെ പട്ടി പറഞ്ഞിട്ടുണ്ട് . കടലില്‍ അലഞ്ഞുതിരിയുന്ന ഇത്തരം കപ്പലുകള്‍ കടല്യാട്രക്കാര്‍ക്ക് പേടി സ്വപ്നംമാണ് . മനുഷ്യവാസമില്ലാതെ , യന്ത്രങ്ങളുടെ മുരന്ച്ച്ച കേള്‍ക്കാതെ രാത്രിയും പകലും ഇവയിങ്ങനെ ഒഴുകി നടക്കും . രാത്രിയുടെ മങ്ങിയ വെളിച്ചത്തില്‍ മറ്റുകപ്പലുകളില്‍ നിന്ന് നോക്കിയാല്‍ ഇവ ഭീമാകാരങ്ങളായ രാക്ഷസ രൂപങ്ങളായി തോന്നും . ചിലപ്പോള്‍ മറ്റു കപ്പലുകള്‍ക്കും ബോട്ടുകള്‍ക്കും ഇവ ദുരന്ത കാരണമാവാറുണ്ട് . പെട്ടന്ന് ഇരുട്ടില്‍ നിന്ന് പ്രത്യക്ഷപ്പെടുന്ന അവ കപ്പലുകളും ബോട്ടുകലുമായി കൂട്ടിയിടിച്ച സംഭവം ഉണ്ടായിട്ടുണ്ട് . ഇതില്‍ ഒരു ഉദാഹരണം ആണ് 1935 - ഇല്‍ ഇങ്ങനെ കണ്ടത്തിയ " ലാ ദഹാമ " എന്ന പ്രേത കപ്പല്‍ ! ( ഇതിനെപറ്റി ഞാന്‍ അറിഞ്ഞ കുറെ കാര്യങ്ങള്‍ അടുത്തുതന്നെ പോസ്റ്റ്‌ ചെയ്യുന്നതാണ് )
ബെര്‍മുഡ ട്രയാങ്ങിളില്‍ എന്ത് സംഭവിക്കുന്നു . അതിലൂടെ പോകുന്ന കപ്പലുകളും മുകളില്‍ കൂടെ പോകുന്ന വിമാനങ്ങളും എവിടെപ്പോയി മറയുന്നു എന്നെ ചോദ്യങ്ങള്‍ക്ക് ഒട്ടേറെ വിശദീകരണങ്ങള്‍ ഉണ്ട് . കടലില്‍ പെട്ടന്നുണ്ടാകുന്ന സുനാമി പോലുള്ള തിരംമാലകള്‍ അല്ലെങ്കില്‍ കടല്‍ക്കൊള്ള എന്നിവ , എന്നാല്‍ തകര്‍ന്നതായി കരുതുന്ന കപ്പലുകലുടെയോ വിമാനങ്ങലുടെയോ അവശിഷ്ടം കണ്ടത്താന്‍ സാധിക്കാത്തത് " പ്രകൃതി ദുരന്തങ്ങള്‍ " എന്ന സാടുത്ത ഇല്ലാതാക്കുന്നു . ഈ സാഹചര്യത്തിലാണ് വേറെ ചില വിശദീകരനങ്ങള്‍ക്ക് പ്രസക്തി അതിലൊന്ന് അമേരിക്കയിലെ മനശാസ്ട്രന്ജന്‍ എഡ് സ്നാടെക്കാര്‍ മുന്നോട്ടു വച്ച തത്വം : അന്തരീക്ഷത്തില്‍ നമ്മുക്ക് കാണാന്‍ പറ്റാത്ത ഒട്ടേറെ തുരംകങ്ങളും കൊനാരുതിയില്‍ ഉള്ള അരിപ്പകളും ഉണ്ട് , ബെര്മുടയില് ഇതുവരെ കാണാതെ പോയ വിമാനങ്ങളും കപ്പലുകളും ഈ അരിപ്പയില്‍ കിടക്കുന്നതായി താന്‍ ഉള്ക്കന്നു കൊണ്ട് കണ്ടു എന്നതാണ് വാദം .
അന്തരീക്ഷത്തില്‍ ഉണ്ടാകുന്ന കൂറ്റന്‍ അരിപ്പകളും തുരങ്കങ്ങളും കപ്പലുകളെയും വിമാനങ്ങളെയും അവയുടെ ഉള്ളിലേക്ക് വലിച്ചെടുക്കുകയാനട്രെ . വലിച്ചെടുക്കുക മാത്രമല്ല ,ഏവ വമ്പന്‍ ചുഴി പോലെ ച്ചുട്ടിക്കരങ്ങിക്കൊണ്ടിരിക്കുന്നു . അത്തരം ചുഴികള്‍ ഭൂമിയുടെ വടക്കുനിന്നും തെക്കോട്ട്‌ സഞ്ചരിക്കുന്നു , ഒടുവില്‍ ആ ചുഴികള്‍ ചെന്ന് നില്‍ക്കുക അന്റാര്‍ട്ടിക്ക ദൃവത്തിലാണ് . പിന്നീട് ഈ ചുഴികള്‍ അതിലുല്ലവയെ വലിച്ചു പുറത്തിടുന്നു .
അന്തരീക്ഷത്തിലുള്ള കാന്തിക ശക്തിമൂലമാനെന്നതാണ് മറ്റൊരു വാദം കാന്തിക ശക്തിയുടെ ഭാഗമായി യെന്ട്രങ്ങളുടെ മാത്രമല്ല മനുഷ്യ മനസിന്റെയും സമതുലനാവസ്ഥ നഷ്ടപ്പെടുന്നു . ഇത് മൂലം തീരുമാനങ്ങള്‍ പാളിപ്പോകുന്നു അങ്ങനെ ദിശ നഷ്ടപ്പെട്ടു അഭാധത്തില്‍ ദുരന്തത്തില്‍ ചെന്ന് പതിക്കുന്നു . അങ്ങനെ എല്ലാത്തിനെയും വലിച്ചടുപ്പിക്കുന്ന കാന്തികഷക്തിയാണ് ബെര്മുടയില് എന്ന് വിശ്വസിക്കുന്നവര്‍ ഏറയാണ് .
വടക്കന്‍ അമേരിക്കയുടെ തെക്കന്‍ തീരത്തുനിന്ന് തെക്കോട്ട്‌ ക്യുബ , ഹെയ്ത്തി , പ്യുര്ടോ റിക്കോ എന്നിവയുടെ കടലോരങ്ങള്‍ ഉള്‍പ്പെടുന്ന പ്രദേശം . അവിടെ നിന്ന് അറ്റലാന്റിക്കിന്റെ വിശാലതയില്‍ മരതക മോതിരം പോലെ നിലകൊള്ളുന്ന ബര്‍മുഡ ദ്വീപുകള്‍ ഇവയെല്ലാം ഉള്‍ക്കൊള്ളുന്ന സമുദ്രഭാഗമാണ് " ബെര്‍മുഡ ട്രയാംഗിള്‍ " !!!
മഹാ നാവികനായ കൊളംബസിനെ പോലും ബെര്‍മുഡ ഭയപ്പെടുത്തിയിട്ടുണ്ട്‌ . ആ പ്രദേശത്തുകൂടി പോകുമ്പോള്‍ ഒരു തീഗോളം കടലില്‍ വീഴുന്നത് കണ്ടു വെന്നും വടക്കുനോക്കി യെന്ട്രത്തിന്റെ സൂചികള്‍ ദിക്കറിയാതെ വട്ടം കറങ്ങിയിരുന്നു വെന്നും പറയപ്പെടുന്നു . അറ്റലാന്റിക്കില്‍ ഒരു വമ്പന്‍ ചിലന്തിയെപ്പോലെ വല വിരിച്ചിരിക്കുകയാണ് ബെര്‍മുഡ . അവിടെ കാണാതായ കപ്പലുകള്‍ക്കും വിമാനങ്ങള്‍ക്കും കയ്യും കണക്കുമില്ല പാ കപ്പലുകള്‍ മുതല്‍ അത്യാധുനിക യുദ്ധ കപ്പലും ആണവ ശക്തി ഉപയോഗിച്ചു പ്രവര്‍ത്തിക്കുന്ന ആടുനിക മുങ്ങിക്കപ്പലും ആ നിരയില്‍ പെടും . പക്ഷെ നൂറ്റാണ്ടുകള്‍ പിന്നിടുംബോളും ബെര്‍മുഡ നീണ്ടു നിവര്‍ന്നു കിടക്കുന്നു , ഭയാനകമായ രഹസ്യവും ഒളിപ്പിച്ചു , അടുത്ത ഇരയെയും കാത്ത് ........
അധികമാര്‍ക്കും അറിയാത്ത കാര്യങ്ങള്‍ പറഞ്ഞതിന് നന്ദി ..
ReplyDelete