1968-ൽ അമേരിക്കയിലെ ന്യൂ ജേഴ്സിയിൽ നടന്ന പ്രശസ്തമായ ഒരു UFO / 'മെൻ ഇൻ ബ്ലാക്ക്' (Men in Black - MIB) സംഭവമാണ് *ജാക്ക് റോബിൻസൺ സംഭവം* (Jack Robinson MIB Incident).യൂഎഫ്ഒ (UFO) നിഗൂഢതകളുടെയും അനുഭവങ്ങളുടെയും ചരിത്രത്തിൽ ഏറ്റവും കൂടുതൽ ചർച്ച ചെയ്യപ്പെട്ട സംഭവങ്ങളിലൊന്നാണിത്.
ജാക്ക് റോബിൻസൺ ഒരു യുഎഫ്ഒ ഗവേഷകനായിരുന്നു (Ufologist). 1968-ൽ അദ്ദേഹം അന്യഗ്രഹ ജീവികളെക്കുറിച്ചും പറക്കുംതളികകളെക്കുറിച്ചും പഠനങ്ങളും ഗവേഷണങ്ങളും നടത്തിവരികയായിരുന്നു.
ഈ സമയത്ത് ജാക്ക് റോബിൻസണും അദ്ദേഹത്തിന്റെ ഭാര്യയും തങ്ങളുടെ അപ്പാർട്ട്മെന്റിന് വെളിയിൽ കറുത്ത വസ്ത്രവും കറുത്ത തൊപ്പിയും ധരിച്ച ഒരു ദുരൂഹ വ്യക്തി സ്ഥിരമായി നിൽക്കുന്നത് ശ്രദ്ധിക്കാൻ തുടങ്ങി.
ഇവർ വീട്ടിൽ ഇല്ലാത്ത സമയത്ത് അപരിചിതർ വീട് അക്രമിച്ചു കയറുകയും, ജാക്കിന്റെ ഗവേഷണ രേഖകളും ഫയലുകളും മാറ്റിമറിക്കുകയും ചെയ്തു. ഗവേഷണം അവസാനിപ്പിക്കാനുള്ള ഭീഷണിയായാണ് റോബിൻസൺ ഇതിനെ കണ്ടത്.ജാക്ക് റോബിൻസന്റെ സുഹൃത്തും സഹ-ഗവേഷകനുമായ ടിമോത്തി ഗ്രീൻ ബെക്ലി (Timothy Green Beckley) റോബിൻസന്റെ വീടിന് എതിർവശത്തുള്ള തെരുവിൽ നിന്നിരുന്ന ഈ ദുരൂഹ വ്യക്തിയുടെ ചിത്രം ക്യാമറയിൽ പകർത്തി.
പറക്കുംതളികകളെയും UFOകളെയും കുറിച്ച് അന്വേഷിക്കുന്നവരെ ഭയപ്പെടുത്താനും നിശബ്ദരാക്കാനും എത്തുന്ന 'മെൻ ഇൻ ബ്ലാക്ക്' എന്ന് സംശയിക്കപ്പെടുന്ന വ്യക്തിയുടെ ചരിത്രത്തിലെ ആദ്യത്തെതും അപൂർവ്വവുമായ ചിത്രങ്ങളിലൊന്നായി ഇത് വിലയിരുത്തപ്പെടുന്നു.
യുഎഫ്ഒ പാരമ്പര്യത്തിലും (UFO Folklore) പോപ്പ് കൾച്ചറിലും 'മെൻ ഇൻ ബ്ലാക്ക്' (MIB) എന്ന സങ്കല്പം ഇത്രയധികം പ്രചാരം നേടാൻ ഈ സംഭവം വലിയ പങ്കുവഹിച്ചു. പിൽക്കാലത്ത് ഹോളിവുഡിൽ വന്ന Men in Black ചലച്ചിത്രങ്ങൾക്കും ഇത്തരം സംഭവങ്ങൾ പ്രചോദനമായിട്ടുണ്ട്.
No comments:
Post a Comment